കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ജിദ്ദ-കേരള എയര്‍ ഇന്ത്യാ നിരക്ക് ഇളവ് വ്യാഴാഴ്ച മുതല്‍

  • By Staff
Google Oneindia Malayalam News

ജിദ്ദ: ജിദ്ദയില്‍ നിന്ന് കരിപ്പൂര്‍, നെടുമ്പാശ്ശേരി, തിരുവനന്തപുരം എന്നിവിടങ്ങളിലേക്കുള്ള എയര്‍ ഇന്ത്യാ ടിക്കറ്റ് നിരക്കില്‍ ഏര്‍പ്പെടുത്തിയ ഇളവ് ഏപ്രില്‍ ഒന്ന് വ്യാഴാഴ്ച മുതല്‍ പ്രാബല്യത്തില്‍ വരും.

പുതിയ നിരക്ക് അനുസരിച്ച് 350 റിയാല്‍ വരെ ടിക്കറ്റ് ചാര്‍ജില്‍ ഇളവ് കിട്ടും. എന്നാല്‍ 12 വയസ്സില്‍ താഴെയുള്ള കുട്ടികള്‍ക്ക് ടിക്കറ്റ് നിരക്ക് അമ്പത് ശതമാനമാക്കി കുറയ്ക്കുമെന്ന വാഗ്ദാനം എയര്‍ ഇന്ത്യ പാലിച്ചിട്ടില്ല. ഇത് 67ശതമാനം തന്നെയായി തുടരും.

ഏപ്രില്‍ 21 മുതല്‍ ഇതാദ്യമായി അപെക്സ് നിരക്ക് എയര്‍ ഇന്ത്യ ജിദ്ദയില്‍നിന്നുള്ള കേരള സെക്ടറുകളിലേക്ക് ഏര്‍പ്പെടുത്തുകയാണ്. സാധാരണ കാലങ്ങളില്‍ 1278 റിയാല്‍ അടിസ്ഥാന വിലയുള്ള ടിക്കറ്റിന് അപെക്സ് നിരക്ക് പ്രകാരം 1222 റിയാല്‍ മതി. തിരക്കുള്ള സീസണില്‍ ഇത് 1444 റിയാലിന് പകരം 1389 റിയാലായിരിക്കും. മടക്ക ടിക്കറ്റിന് സാധാരണ കാലങ്ങളില്‍ 2444ഉം തിരക്കുള്ള സീസണില്‍ 2667 റിയാലുമുള്ളത് അപെക്സ് നിരക്ക് പ്രകാരം യഥാക്രം 2333ഉം 2617ഉം റിയാലായിരിക്കും ഉണ്ടാവുക. യാത്രാദിവസത്തിന്റെ 21 ദിവസം മുമ്പ് ടിക്ക് വാങ്ങിയിരിക്കണമെന്നതാണ് അപെക്സ് നിരക്കിന്റെ നിബന്ധന. പിന്നീട് യാത്രാ ദിവസം മാറ്റുന്നതിന് 30 റിയാല്‍ചാര്‍ജ് നല്കേണ്ടിവരും.

ഇനി മുതല്‍ ലഗേജ് ഒന്നിന്റെ പരമാവധി തൂക്കം 32 കിലോ ആയിരിക്കണമെന്ന് എയര്‍ ഇന്ത്യ അറിയിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X