സ്വാതി പുരസ്കാരം കെ.വി.നാരായണസ്വാമിക്ക്
തിരുവനന്തപുരം: ഇത്തവണത്തെ സ്വാതിപുരസ്കാരം കര്ണാടക സംഗീതജ്ഞനായ പാലക്കാട് കെ.വി.നാരായണസ്വാമിക്ക് .
സംഗീതരംഗത്തെ പ്രതിഭകള്ക്ക് സംസ്ഥാന സര്ക്കാര് നല്കുന്ന സ്വാതി പുരസ്കാരം ഒരു ലക്ഷം രൂപയും പ്രശസ്തി പത്രവും അടങ്ങിയതാണ്.പ്രൊഫ. വി.അരവിന്ദാക്ഷന് അദ്ധ്യക്ഷനായുള്ള സമിതിയാണ് സ്വാതി പുരസ്കാരത്തിനായി നാരായണസ്വാമിയെ തിരഞ്ഞെടുത്തത്.
1923 നവംബര് 15ന് പാലക്കാട്ട് ജനിച്ച കൊല്ലങ്കോട് വിശ്വനാഥ നാരായണസ്വാമി കര്ണാടക സംഗീത ആലാപനത്തില് തനതായ വ്യക്തിമുദ്ര പതിപ്പിച്ച സംഗീതജ്ഞനാണ്. 1976ല് പത്മശ്രീ ബഹുമതി ലഭിച്ചു. 1970ല് കേരള സംഗീത നാടക അക്കാദമി പുരസ്കാരം നല്കി നാരായണസ്വാമിയെ ആദരിച്ചിരുന്നു. 1986ല് മദ്രാസ് മ്യൂസിക്ക് അക്കാദമിയുടെ സംഗീത കലാനിധി പുരസ്കാരത്തിനും നാരായണസ്വാമി അര്ഹനായി.
സംഗീത പാരമ്പര്യമുള്ള കുടുംബത്തില് ജനിച്ച നാരായണസ്വാമി ഏഴാം ക്ലാസില് പഠനം മതിയാക്കി മുഴുവന് സമയവും സംഗീത പഠനത്തിനായി മാറ്റിവച്ചു. വയലിന് വാദകനായ വിശ്വനാഥ ഭാഗവതരുടെ മകനും സംഗീതജ്ഞനായ നാരായാണ ഭാഗവതരുടെ മകനുമായ നാരായണസ്വാമി പില്ക്കാലത്ത് ജീവിതം തന്നെ സംഗീതത്തിനായി ഉഴിഞ്ഞുവച്ചു.
മലേഷ്യ, ദുബായ്, അമേരിക്ക, ആസ്ത്രേലിയ തുടങ്ങിയ വിദേശരാജ്യങ്ങളില് നാരായണസ്വാമി കച്ചേരി അവതരിപ്പിച്ചിട്ടുണ്ട്.