ശ്രീകണ്ഠന് നായര്ക്ക് പകരം ജഗദീഷ്
ഈ ഷോയുടെ അവതാരകനും ഏഷ്യാനെറ്റ് കമ്യൂണിക്കേഷന്സിന്റെ വൈസ് പ്രസിഡന്റുമായിരുന്ന ആര് ശ്രീകണ്ഠന് നായര് രാജിവച്ചതിനെത്തുടര്ന്നാണ് ജനപ്രിയ ഷോയുടെ അവതാരകനാകാന് ജഗദീഷിന് അവസരം ലഭിച്ചിരിക്കുന്നത്.
ശ്രീകണ്ഠന് നായര് രാജിവച്ചപ്പോള് ഉയര്ന്ന പ്രധാന ചോദ്യങ്ങളിലൊന്നാണ് നമ്മള് തമ്മില് ഇനി എന്താവും എന്നത്. ഷോയുടെ 757 എപ്പിസോഡുകള് അവതരിപ്പിച്ചത് ശ്രീകണ്ഠന് നായരായിരുന്നു.
സെപ്റ്റംബര് 11ന് ശനിയാഴ്ച രാത്രി പത്തു മണിക്കാണ് ജഗദീഷ് അവതാരകനാകുന്ന നമ്മള് തമ്മില് പരിപാടിയുടെ ആദ്യ എപ്പിസോഡ് സംപ്രേക്ഷണം ചെയ്യുക.
കോമഡി റിയാലിറ്റിഷോ ആയ കോമഡി സ്റ്റാര് പരിപാടിയുടെ മുഖ്യ വിധികര്ത്താവിന്റെ വേഷത്തില് ഏഷ്യാനെറ്റില് മുമ്പേ സജീവമാണ് ജഗദീഷ്.
നമ്മള് തമ്മില് അവതരിപ്പിക്കുന്നതിലൂടെ കൂടുതല് ജനകീയനായി മാറാന് ജഗദീഷിനു കഴിയുമെന്നാണ് പ്രതീക്ഷിക്കപ്പെടുന്നത്. ജഗദീഷിന്റെ സംഭാഷണ ചാതുരിയും വിവിധ വിഷയങ്ങളിലെ അവഗാഹവും നല്ല അവതാരകനാകാന് അദ്ദേഹത്തിന് സഹായകമാകുമെന്നാണ് പൊതുവേ വിലയിരുത്തപ്പെടുന്നത്.