പപ്പുവും ഫേക്കുവും ഏപ്രില്‍ഫൂള്‍ തകര്‍ക്കുന്നു

ഫേക്കു

ഗുജറാത്ത് മുഖ്യമന്ത്രി നരേന്ദ്ര മോദിയെ വിളിക്കുന്ന പേരാണ് ഫേക്കു. ഗുജറാത്തിലെ വികസന കഥകള്‍ ഫേക്കാണ് എന്ന് പ്രചരിപ്പിക്കുന്നവരാണ് ഈ പേരിട്ടത് എന്ന് എടുത്തു പറയേണ്ടല്ലോ.

പപ്പു

കോണ്‍ഗ്രസ് വൈസ് പ്രസിഡണ്ട് രാഹുല്‍ ഗാന്ധിയാണ് പപ്പു. രാഹുലിന്റെ സര്‍വ്വ വിജ്ഞാന കോശമായി പപ്പുപീഡിയ എന്നൊരു വെബ്‌സൈറ്റ് പോലുമുണ്ട്.

അച്ചു

കേരളത്തിലെ പ്രതിപക്ഷ നേതാവ് വി എസ് അച്യുതാനന്ദനാണ് അച്ചു. പ്രായം മാനിച്ച് അച്ചു എന്നും അച്ചുമ്മാന്‍ എന്നും തരം പോലെ വിളിക്കുന്നവരുണ്ട്.

നായക്

49 ദിവസത്തെ ഭരണം വിട്ടെറിഞ്ഞ് ഇറങ്ങിപ്പോയ ദില്ലി മുഖ്യമന്ത്രി അരവിന്ദ് കെജ്രിവാളാണ് നായക്. ധര്‍ണയും സമരവും നയിക്കുന്ന നായകാണ് ഓണ്‍ലൈന്‍ കഥകളില്‍ ഏറ്റവും പോപ്പുലര്‍.

ഫേക്കു ഡേ അഥവാ ഏപ്രില്‍ ഫൂള്‍

ഫേസ്ബുക്കും ഗൂഗിള്‍ പ്ലസ്സും പോലുള്ള സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ ഏപ്രില്‍ ഒന്ന് ഫേക്കു ഡേ ആയിട്ടാണ് ആഘോഷം.

കെജ്രിദിവസ്

ആം ആദ്മി പാര്‍ട്ടി കണ്‍വീനര്‍ അരവിന്ദ് കെജ്രിവാളിന്റെ ദിവസം എന്ന അര്‍ഥത്തില്‍ കെജ്രി ദിവസ് ആയി ഏപ്രില്‍ ഒന്ന് ആഘോഷിക്കുന്നവരുമുണ്ട്.

എ കെ 49

നരേന്ദ്രമോദി അരവിന്ദ് കെജ്രിവാളിനെ വിളിച്ച പേരാണ് എ കെ 49. സോഷ്യല്‍ സൈറ്റുകളില്‍ എന്തായാലും ഈ പേര് ഹിറ്റായിരിക്കുകയാണ്