ഉമ്മന്‍ ചാണ്ടിയെ കുടുക്കിയ പെണ്ണുങ്ങള്‍

യാമിനി തങ്കച്ചി

സര്‍ക്കാര്‍ വലിയ പ്രശ്‌നമൊന്നും കൂടാതെ മുന്നോട്ട് പോയിക്കൊണ്ടിരിക്കുമ്പോഴായിരുന്നു ഗണേഷ് കുമാറും ഭാര്യയായിരുന്ന യാമിനി തങ്കച്ചിയും തമ്മില്‍ പ്രശ്‌നം രൂക്ഷമായത്. പത്രസമ്മേളനവും കോടതിയും കേസും ഒക്കെയായപ്പോള്‍ എംഎല്‍എ സ്ഥാനം പോലും രാജിവക്കുമെന്ന് ഗണേഷ് കുമാര്‍ പറഞ്ഞു. നൂലിന്‍മേല്‍ കളി പോലെ മുന്നോട്ട് പോയിരുന്ന മുന്നണിയെങ്ങാന്‍ ഇടിഞ്ഞാല്‍ ഭരണം പോകുമെന്നുറപ്പായിരുന്നു.

സരിത എസ് നായര്‍

മുഖ്യമന്ത്രിയെ ഏറ്റവും അധികം വേട്ടയാടിയത് സരിത എസ് നായര്‍ എന്ന പേരായിരിക്കും. സോളാര്‍ തട്ടിപ്പില്‍ സരിതയെ ചേര്‍ത്ത് മുഖ്യന് പോലും ഏറെ പഴി കേള്‍ക്കേണ്ടി വന്നു.

ശാലു മേനോന്‍

സോളാര്‍ കേസില്‍ തന്നെയാണ് സീരിയല്‍-സിനിമ താരമായ ശാലു മേനോന്റെ പേരും സര്‍ക്കാരിനെ കുഴക്കിയത്. പാര്‍ട്ടിയിലെ പല ഉന്നതരുടേയും തലകള്‍ ഈ വിഷയത്തില്‍ ഉരുളുമോ എന്ന് ഉമ്മന്‍ ചാണ്ടിയും ഭയന്നിരുന്നു.

കവിത പിള്ള

സോളാറിന്റെ ആവേശം കെട്ടടങ്ങുന്നതിന് മുമ്പാണ് മെഡിക്കല്‍ സീറ്റ് തട്ടിപ്പുമായി ബന്ധപ്പെട്ട് കവിത പിള്ളയുടെ രംഗപ്രവേശനം. കവിതക്ക് മുഖ്യമന്ത്രിയുടെ ഓഫീസുമായി ബന്ധമുണ്ടെന്നാണ് പ്രതിപക്ഷ നേതാവ് വിഎസ് അച്യുതാനന്ദന്‍ ആരോപിച്ചിരുന്നത്.

ബിന്ദു കൃഷ്ണ

സ്വന്തം പാര്‍ട്ടിക്കാരിയായിട്ടുപോലും ബിന്ദു കൃഷ്ണ ചില പ്രതികരണങ്ങള്‍ ചാണ്ടിക്ക് പണികൊടുത്തു. വയനാട്ടില്‍ വച്ച് ബിന്ദു കൃഷ്ണ പോലീസുകാരനോട് തട്ടിക്കയറിയതാണ് സര്‍ക്കാരിനെതിരെ വിമര്‍ശനം ഉയരാന്‍ കാരണമായത്.

ഊര്‍മിള ടീച്ചര്‍

കോട്ടണ്‍ ഹില്‍ സ്‌കൂളിലെ പ്രധാനാധ്യാപികയായിരുന്ന ഊര്‍മിള ദേവിയെ സ്ഥലം മാറ്റിയതായിരുന്നു സ്ത്രീ വിഷയത്തില്‍ ഉമ്മന്‍ ചാണ്ടി സര്‍ക്കാര്‍ നേരിട്ട അവസാനത്തെ വെല്ലുവിളി. വിദ്യാഭ്യാസ മന്ത്രി ഒപ്പിച്ച പണിയാണെങ്കിലും മുഖ്യമന്ത്രിക്കും ഈ വിഷയത്തില്‍ പഴി കേള്‍ക്കേണ്ടി വന്നു.