More Malayalam Updates on: http://m.oneindia.in/malayalam/
ഹോളിവുഡ് താരം ലിന്ഡ്സെ ലോഹന് മോഷ്ടിച്ചതായി പറയപ്പെടുന്ന മാല ലേലത്തിന്. ഇതു സംബന്ധിച്ചുള്ള കേസ് പൂര്ത്തിയാകുമ്പോള് മാല ലേലത്തിന് വെയ്ക്കാനാണ് പ്രശസ്ത ജ്വല്ലറി ഗ്രൂപ്പായ കെമോഫി ആന്റ് കമ്പനി ആലോചിയ്ക്കുന്നത്. ലേലത്തില് നിന്നുള്ള ലാഭം ജീവകാരുണ്യപ്രവര്ത്തനങ്ങള്ക്കായി നല്കുമെന്നും കമ്പനി അധികൃതര് വ്യക്തമാക്കി.
കെമോഫിയുടെ ജ്വല്ലറിയില് നിന്നും 2500 ഡോളര് വിലയുള്ള വജ്രമാല ലോഹന് മോഷ്ടിച്ചുവെന്നാണ് ആരോപണം. മോഷണകഥയിലെ നായിക ലോഹനായതോടെ സംഭവത്തിന് വന്വാര്ത്താപ്രധാന്യമാണ് ലഭിച്ചത്. ഇത് ലേലത്തില് പ്രതിഫലിയ്ക്കുമെന്നാണ് കരുതപ്പെടുന്നത്.
ലോഹന് മാല മോഷ്ടിയ്ക്കാന് ശ്രമിയ്ക്കുന്നതിന്റെ വീഡിയോ ദൃശ്യങ്ങളും കടയുടമകള് വിറ്റിരുന്നു. 42 മിനിറ്റുള്ള വീഡിയോ ലോഹനെതിരെയുള്ള മോഷണക്കേസില് നിര്ണായക തെളിവായി മാറുമെന്നാണ് സൂചനകള്.
2007ല് മദ്യപിച്ചു വാഹനമോടിച്ചതിന്റെ പേരിലുള്ള നല്ലനടപ്പ് ലംഘിച്ചതിന് ലോഹന് ഈയിടെ ജയില്വാസം അനുഭവിച്ചിരുന്നു. ഇതിന് പിന്നാലെയാണ് മോഷണക്കേസിലും നടി കുടുങ്ങിയിരിക്കുന്നത്.
