Don't Miss!
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- News ഖത്തര് കടുത്ത തീരുമാനത്തിലേക്ക്; പശ്ചിമേഷ്യ കൂടുതല് വെട്ടിലാകും, ഹമാസ് ഓഫീസ് മാറ്റുമെന്ന് സൂചന
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
- Automobiles പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
ലാലിനൊപ്പം കൊടുങ്കാറ്റ് സൃഷ്ടിയ്ക്കാന് ആഷിക് അബു
ഇപ്പോഴിതാ ആഷിക് അബു വീണ്ടുമെത്തുകയാണ്. ഇത്തവണ മോഹന്ലാലിനൊപ്പമാണ് ആഷിക് കൈകോര്ക്കുന്നതെന്നതാണ് ഏറ്റവും ശ്രദ്ധേയമായ കാര്യം. ആഷികും ലാലും ചേരുന്നാല് വ്യത്യസ്തമായ നല്ലൊരു ചിത്രമേ പിറക്കൂ എന്നുതന്നെയാണ് പ്രേക്ഷകരുടെ വിശ്വാസം. കൊടുങ്കാറ്റ് എന്നാണ് ചിത്രത്തിന് പേരിട്ടിരിക്കുന്നത്, മൂന്നുമാസം മുമ്പ് ലാലുമായി നടത്തിയ ചര്ച്ചയിലെലാണ് ഇത്തരത്തിലൊരു ചിത്രം ചെയ്യാന് തീരുമാനമുണ്ടായതെന്ന്
ആഷിക് പറയുന്നു. നേരത്തേ പ്രഖ്യാപിച്ച ഇടുക്കി ഗോള്ഡ്, ഗ്യാങ്സ്റ്റര് എന്നീ ചിത്രങ്ങള് കഴിഞ്ഞുമാത്രമേ കൊടുങ്കാറ്റിന്റെ ജോലികള് തുടങ്ങൂയെന്നും ആഷിക് വ്യക്തമാക്കി. 2013 അവസാനത്തോടെയായിരിക്കും ചിത്രം പ്രദര്ശനത്തിന് എത്തുകയെന്നാണ് സൂചന. ആശിര്വാദ് സിനിമാസാണ് ചിത്രം നിര്മ്മിക്കുന്നത്.
ആഷിക് ചിത്രങ്ങളുടെ സ്ഥിരം തിരക്കഥാകൃത്തുക്കളായ ശ്യാംപുഷ്കര്, ദിലീഷ് നായര് ടീമിലെ ശ്യാം പുഷ്കരന് ആദ്യമായി സ്വതന്ത്രമായി തിരക്കഥയെഴുതുന്നുവെന്ന പ്രത്യേകതകൂടിയുള്ള ചിത്രമായിരിക്കും കൊടുങ്കാറ്റ്. സാള്ട്ട് ആന്റ് പെപ്പര്, 22എഫ്കെ, ഡാ തടിയാ എന്നീ ആഷിക് ചിത്രങ്ങള്ക്കെല്ലാം തിരക്കഥയെഴുതിയത് ഈ ടീമായിരുന്നു.
ഇടുക്കി ഗോള്ഡ് എന്ന ഹാസ്യചിത്രമാണ് ആഷിക് ഇപ്പോള് ചെയ്തുകൊണ്ടിരിക്കുന്ന പ്രൊജക്ട്. ലാലും മണിയന്പിള്ളരാജുവുമാണ് ഈ ചിത്രത്തില് നായകന്മാര്. ഇതിന് പിന്നാലെയാണ് മമ്മൂട്ടി നായകനാകുന്ന ബിഗ് ബജറ്റ് ആക്ഷന് ചിത്രം ഗ്യാംങ്സ്റ്റര് ഒരുക്കുക. കൊടുങ്കാറ്റും ഒരു ആക്ഷന് ത്രില്ലറായിരിക്കുമെന്നാണ് സൂചന. മോഹന്ലാല് ചിത്രം കൂടിവരുന്നതോടെ പുതുതലമുറ സംവിധായകരില് ആഷിക് അബു കൂടുതല് ശ്രദ്ധിക്കപ്പെടാന് പോവുകയാണ്.