Click it and Unblock the Notifications
Don't Miss!
-
IPL 2024: തിരിച്ചുവരാന് മുംബൈ, പഞ്ചാബിനും ജയിക്കണം- ടോസ് 7 മണിക്ക് -
അഞ്ചോ പത്തോ പതിനായിരമോ കൂട്ടിയാലും വാങ്ങാൻ ആളുണ്ടെന്ന ഗമയാ, സ്വിഫ്റ്റിന്റെ പുതിയ വില ഇങ്ങനെ -
വിഷം കുത്തിവെച്ച് പഴുപ്പിച്ച മാങ്ങ എങ്ങനെ തിരിച്ചറിയാം, അവ ഉണ്ടാക്കുന്ന ആരോഗ്യപ്രശ്നങ്ങള് എന്തെല്ലാം? -
പണത്തിന് ആവശ്യമുണ്ടോ, 5 ലക്ഷം പേഴ്സണൽ ലോണെടുക്കാം, കുറഞ്ഞ പലിശ ഈ ബാങ്കിലാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും! -
കാസർഗോഡ് മോക്ക്പോളിൽ ബിജെപിക്ക് അധിക വോട്ട്; നിഷേധിച്ച് തിരഞ്ഞെടുപ്പ് കമ്മീഷൻ, വാർത്ത തെറ്റെന്ന് വാദം -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി
യഥാര്‍ത്ഥത്തില്‍ ഞാനൊരു ഫെമിനിസ്റ്റാണ്: രഞ്ജിനി
സംവിധായകന്‍ ശ്യാമിന്റെ ഒറ്റയൊരുത്തിയും ശരിയല്ല എന്ന ചിത്രത്തിലൂടെയാണ് രഞ്ജിനി വീണ്ടുമെത്തുന്നത്. ഇതില്‍ ഒരു ഫെമിനിസ്റ്റിന്റെ റോളിലാണ് രഞ്ജിനി അഭിനയിക്കുന്നത്. രഞ്ജിനി പറയുന്നത് ഈ റോളിന് യഥാര്‍ത്ഥ ജീവിതത്തിലെ താനുമായി ഏറെ സാമ്യങ്ങളുണ്ടെന്നാണ്, അതായത് യഥാര്‍ത്ഥ ജീവിതത്തല്‍ രഞ്ജിനിയും ഒരു ഫെമിനിസ്റ്റാണെന്നുതന്നെയാണ് പറഞ്ഞുവരുന്നത്. എന്‍ട്രിയില്‍ ഒരു വനിതാ പൊലീസിന്റെ വേഷത്തിലായിരുന്നു രഞ്ജിനിയെത്തിയത്. എന്നാല്‍ ഇത്തവണ കായല്‍ എന്ന ഫെമിസ്റ്റായിട്ടാണ് എത്തുന്നത്.
നീ കൊ ഞാ ടാ എന്ന ചിത്രത്തിലൂടെ ശ്രദ്ധിക്കപ്പെട്ട പ്രവീണാണ് ചിത്രത്തില്‍ നായകനായി എത്തുന്നത്. പ്രണയപരാജയത്തിന് ശേഷം ഒരു പുരുഷന് സ്ത്രീകളോട് തോന്നുന്ന വിദ്വേഷമാണ് ചിത്രത്തിന്റെ ഇതിവൃത്തം. സ്ത്രീശാക്തീകരണത്തെക്കുറിച്ച് ചര്‍ച്ചചെയ്യുന്ന ചിത്രമാണിത്, കഥ പുരോഗമിക്കുന്നത് ഒരു പുരുഷന്റെ വീക്ഷണകോണില്‍ നിന്നാണെന്ന് മാത്രം.
ഇത്തരമൊരു റോള്‍ ചെയ്യാന്‍ കഴിഞ്ഞതില്‍ താന്‍ ഏറെ സന്തോഷവതിയാണെന്ന് രഞ്ജിനി പറയുന്നു. സ്വന്തം ജീവിതത്തിലുണ്ടായ ഒരു സംഭവവുമായി ചിത്രത്തിന് സാമ്യമുണ്ടെന്നും താരം പറയുന്നു. കഥാപാത്രമായ കായല്‍ ശക്തമായ ഒരു കഥാപാത്രമാണ്. ജീവിതത്തില്‍ ഞാനുമൊരു ഫെമിനിസ്റ്റാണ്. പ്രേക്ഷകരെ സംബന്ധിച്ച് ഈ ചിത്രം വ്യത്യസ്തമായ ഒരു അനുഭവം തന്നെയായിരിക്കും- രഞ്ജിനി പറയുന്നു.
പേര് ഒറ്റ ഒരുത്തിയും ശരിയല്ലയെന്നാണെങ്കിലും ഈ ചിത്രം സ്ത്രീകളെ മോശമായി ചിത്രീകരിക്കുന്നതല്ലെന്ന് സംവിധായകന്‍ ശ്യാം പറയുന്നു. എല്ലാ സ്ത്രീപക്ഷ ചിത്രങ്ങളുടെ സ്ത്രീകളുടെ ദുരന്തകഥകളെക്കുറിച്ചാണ് പറയുന്നതെങ്കില്‍ ഈ ചിത്രം പുരുഷനിലൂടെ സ്ത്രീയെ കാണുകയാണ് ചെയ്യുന്നത്. രഞ്ജിനിയ്ക്കും പ്രവീണിനുമൊപ്പം ഗിരീഷ് പരമേശ്വറും മരിയ ജോസഫും ചിത്രത്തില്‍ പ്രധാനവേഷങ്ങള്‍ അവതരിപ്പിക്കുന്നുണ്ട്.
അഭിനയത്തോട് താല്‍പര്യമുണ്ടെങ്കിലും ടിവി അവതാരകയുടെ ജോലിതന്നെയാണ് തനിയ്‌ക്കേറ്റവും പ്രിയപ്പെട്ടതാണെന്നാണ് രഞ്ജിനി പറയുന്നത്. ടിവിയും പുറത്തുമായി ഒട്ടേറെ പരിപാടികളാണ് രഞ്ജിനി അവതരിപ്പിച്ചുകൊണ്ടിരിക്കുന്നത്. ഈ മേഖലയില്‍ മാറ്റിനിര്‍ത്താനാവാത്ത വ്യക്തിത്വമായി രഞ്ജിനി മാറിക്കഴിഞ്ഞിട്ടുണ്ട്.
