Englishবাংলাગુજરાતીहिन्दीಕನ್ನಡதமிழ்తెలుగు
 
Share This Story

ഡിസ്‌കോയിലും തുടരുമോ ആമേന്‍ മാജിക്ക് ?

Posted by:
Published: Friday, April 19, 2013, 12:54 [IST]

ഡിസ്‌കോയിലും തുടരുമോ ആമേന്‍ മാജിക്ക് ?
 

ആദ്യത്തെ രണ്ടു ചിത്രങ്ങളും വലിയ നഷ്ടമുണ്ടാക്കിയിട്ടും പിന്‍മാറാതെ ആമേനുമായെത്തി മലയാളികളെ സംഗീതത്തിന്റെയും പ്രണയത്തിന്റെയും മായികവലയത്തിലാക്കിയിരിക്കുകയാണ് സംവിധായകന്‍ ലിജോ ജോസ് പെല്ലിശേരി. ആമേന്‍ തരംഗം അടങ്ങുന്നതിന് മുമ്പേ ലിജോ അടുത്ത ചിത്രത്തിന് തയ്യാറെടുക്കുകയാണ്. അതും തന്റെ ആദ്യ വിജയചിത്രത്തിലെ നായകന്മാരെത്തന്നെ ഉള്‍പ്പെടുത്തിക്കൊണ്ട്.

ഡിസ്‌കോ എന്നാണ് പുതിയ ചിത്രത്തിന് പേരിട്ടിരിക്കുന്നത്. ഫഹദ് ഫാസിലും ഇന്ദ്രജിത്തും തന്നെയാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. കുട്ടനാടിന്റെ പശ്ചാത്തലത്തിലാണ് ആമേന്‍ ഒരുക്കിയതെങ്കില്‍ ഗോവയുടെ പശ്ചാത്തലത്തിലാണ് ഡിസ്‌കോ ഒരുങ്ങുക. ജീവിതം ആഘോഷമാക്കുന്ന യുവാക്കളുടെ ജീവിതത്തില്‍ അപ്രതീക്ഷിതമായി ഉണ്ടാകുന്ന സംഭവങ്ങള്‍ രസകരമായി അവതരിപ്പിക്കുന്നതായിരിക്കും ചിത്രം. 2009ല്‍ പുറത്തുവന്ന ഹാംങ്ഓവര്‍ എന്ന ഇംഗ്ലീഷ് ചിത്രത്തില്‍ നിന്നും പ്രചോദനമുള്‍ക്കൊണ്ടുകൊണ്ടാണത്രേ ഡിസ്‌കോയുടെ കഥ തയ്യാറാക്കിയിരിക്കുന്നത്.

അയ്യപ്പന്‍, ഷെഹാന്‍ എന്നിവര്‍ ചേര്‍ന്നാണ് ഡിസ്‌കോയുടെ തിരക്കഥ തയ്യാറാക്കിയിരിക്കുന്നത്. ശങ്കര്‍ രാമകൃഷ്ണന്‍, ശ്രീനാഥ് ഭാസി, രാജീവ് പിള്ള, ഷൈന്‍ എന്നിവരാണ് ചിത്രത്തിലെ മറ്റു പ്രധാന താരങ്ങള്‍. ആമേനിലെ പാട്ടുകള്‍ക്ക് സംഗീതം നല്‍കിയ പ്രശാന്ത് പിള്ള തന്നെയാണ് ഡിസ്‌കോയുടെയും സംഗീതം കൈകാര്യം ചെയ്യുന്നത്. എന്തായാലും ഡിസ്‌കോ ആമേന്‍ മാജിക്ക് തുടരുമോയെന്ന് കാത്തിരുന്ന് കാണാം.

ഓരോ പ്രധാനവാര്‍ത്തയും വണ്‍ഇന്ത്യയിലൂടെ അറിയാം. ഇന്നു തന്നെ ഞങ്ങളുടെ Facebook ലും Twitter ലും അംഗമാകൂ.
Topics: lijo jose pellissery, amen, disco, fahad fazil, indrajith, ലിജോ ജോസ് പെല്ലിശേരി, ഡിസ്‌കോ, ഫഹദ് ഫാസില്‍, ഇന്ദ്രജിത്ത്, ആമേന്‍
English summary
Lijo Jose Pellissery is trying to pull off a casting coup of sorts for his next film, Disco. Indrajith, Fahadh Faasil.

Please read our comments policy before posting

പ്രതികരണം എഴുതൂ
Click here to type in Malayalam