Click it and Unblock the Notifications
Don't Miss!
-
സ്വര്ണവില ഇടിഞ്ഞുവീണു; ജ്വല്ലറിയിലേക്ക് വിട്ടോ... ഇത്രയും കുറവ് ആദ്യം, പവന് വില അറിയാം -
പവറും ലുക്കും മൈലേജും അതാണ് ഫോക്സ്വാഗന്റെ ഓഫർ! 14.08 ലക്ഷത്തിന് ടൈഗൂണിന്റെ പുതിയ വേരിയന്റ് വാങ്ങാം -
T20 World Cup 2024: രാഹുലിനെ പിന്തള്ളി, സഞ്ജു വീണ്ടും തലപ്പത്ത്! ലോകകപ്പില് സ്ഥാനമുറപ്പോ? -
28 രൂപ ലാഭവിഹിതം പ്രഖ്യാപിച്ച് ഐടി കമ്പനി, ഓഹരി വാങ്ങാൻ ബ്രോക്കറേജ് ശുപാർശ, കൂടെക്കൂട്ടുന്നോ..? -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ് -
ഐഫോൺ 16 കണ്ട് ഞെട്ടാൻ റെഡിയായിക്കോ! എഐക്കായി ഫോണുകളുടെ തലവര മാറ്റുന്ന നീക്കവുമായി ആപ്പിൾ -
ഉണക്കമുന്തിരിയും തൈരും ദിനവും ആരോഗ്യവും ആയുസ്സും നല്കും
ഇത് യുവാക്കളുടെ ട്വന്റി 20: അഞ്ജലി മേനോന്‍
ബാംഗ്ലൂര്‍ ഡെയ്‌സ് താന്‍ സംവിധാനം ചെയ്യാനിരുന്ന സിനിമയായിരുന്നില്ലെന്നും അന്‍വര്‍ റഷീദാണ് സംവിധാനം ചെയ്യാന്‍ തന്നെ നിര്‍ബന്ധിച്ചതെന്നും അഞ്ജലി മേനോന്‍. രസകരമായ ഒരു കഥ പറയാനേ ആഗ്രഹിച്ചിരുന്നുള്ളൂ. ഉസ്താദ് ഹോട്ടല്‍ പോലെ കഥ തയാറാക്കി അന്‍വറിനോടു പറഞ്ഞു. അന്‍വറാണ് ഈ ചിത്രം ഞാന്‍ ചെയ്യമെന്ന് നിര്‍ബന്ധിച്ചത്- അഞ്ജലി മേനോന്‍ പറഞ്ഞു. അന്‍വറില്‍ നിന്ന് പോസിറ്റീവ് സൈന്‍ കിട്ടിയതോടെ നിരവധി ചര്‍ച്ചകളിലൂടെ ബാംഗ്ലൂര്‍ ഡെയ്‌സിന്റെ പൂര്‍ണരൂപത്തിലെത്തി.
യുവാക്കള്‍ സ്വാതന്ത്ര്യം വല്ലാതെ ഇഷ്ടപ്പെടുന്നവരാണ്. മലയാളി യുവാക്കള്‍ ബാംഗ്ലൂരിലെ ജീവിതത്തെ സ്വാതന്ത്ര്യത്തിന്റെ കാഴ്ചയായിട്ടാണു കാണുന്നത്. സൗഹൃദത്തിനപ്പുറമുള്ള സ്വാതന്ത്ര്യം, ഉപാധികളില്ലാത്ത സ്‌നേഹം എന്നിവയുള്ള വലിയ ചങ്ങാതിക്കൂട്ടത്തെ ധാരാളം കണ്ടിട്ടുണ്ട്. അവരില്‍ താന്‍ കണ്ട കാഴ്ചകളാണ് ബാംഗ്ലൂര്‍ ഡെയ്‌സിലൂടെ പറഞ്ഞത്.
ദുല്‍ക്കര്‍ സല്‍മാന്‍, ഫഹദ് ഫാസില്‍, നിവിന്‍പോളി, നസ്രിറ, പാര്‍വതി, നിത്യ മേനോന്‍, ഇഷാ തല്‍വാര്‍ എന്നിവരിലേക്ക് സിനിമ വളര്‍ന്നത് ഓരോ കഥാപാത്രങ്ങള്‍ക്കും അനുയോജ്യമായ മുഖം തേടിപ്പോയപ്പോഴാണ്. യുവത്വത്തിന് ആഘോഷിക്കാവുന്ന ചിത്രം എന്നതിലപ്പുറം കുടുംബ പ്രേക്ഷകരെയും കൂടി ആകര്‍ഷിക്കുന്ന രീതിയിലുള്ള കംപഌറ്റ് എന്റര്‍ടെയ്‌നര്‍ എന്നരീതിയിലാണ് ചിത്രമെടുത്തിരിക്കുന്നത്. അമ്മ നിര്‍മിച്ച ട്വന്റി 20 പോലെ യുവതാരങ്ങളുടെ ട്വന്റി 20 ചിത്രമാണിതെന്ന് അഞ്ജലി പറഞ്ഞു.
സംവിധാന്‍ അന്‍വര്‍ റഷീദിന്റെ അന്‍വര്‍ റഷീദ് എന്റര്‍ടെയ്ന്‍മെന്റും സോഫിയാ പോളിന്റെ വീക്കെന്‍ഡ് ബ്ലോക്ക് ബസ്‌റ്റേഴ്‌സും ചേര്‍ന്നു നിര്‍മിച്ച ബാംഗ്ലൂര്‍ ഡെയ്‌സ് ഇപ്പോള്‍ കേരളത്തിലെ തിയറ്ററുകളില്‍ നിറഞ്ഞ സദസിലാണ് പ്രദര്‍ശിപ്പിക്കുന്നത്. അഞ്ജലി തിരക്കഥ എഴുതിയ മുന്‍ചിത്രമായ ഉസ്താദ് ഹോട്ടല്‍ സംവിധാനം ചെയ്തത് അന്‍വര്‍ റഷീദായിരുന്നു.
