Don't Miss!
- Automobiles ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
- News മുരളീധരൻ പരാജയഭീതി കൊണ്ട് ഓടിപ്പോയതാണ്, ബലിയാടായിട്ടാണ് ഷാഫിയെ കൊണ്ടിട്ടത്; എളമരം കരീം
- Technology വേറൊന്നും ചിന്തിക്കാനില്ല, തട്ടി പോക്കറ്റിൽ കേറ്റ്! എസ് 24 സ്മാർട്ട്ഫോണുമായി ഐടെൽ
- Sports IPL 2024: രണ്ട് വര്ഷത്തിനുള്ളില് ഈ 22 കാരന് ഇന്ത്യന് ടീമിലെത്തും; യുവതാരത്തെക്കുറിച്ച് ഇര്ഫാന് പഠാന്
- Lifestyle നിങ്ങള് എപ്പോള് മരിക്കും, മരണം പ്രവചിക്കുന്ന എഐ അല്ഗോരിതവുമായി ഡാനിഷ് ഗവേഷകര്, പ്രവര്ത്തനം ഇങ്ങനെ
- Finance ഇതിലും മികച്ച പലിശ സ്വപ്നങ്ങളിൽ മാത്രം, പോസ്റ്റ് ഓഫീസ് നിക്ഷേപങ്ങളുടെ പലിശ നിരക്കറിയാം, ഇപ്പോൾ തന്നെ തുടങ്ങൂ
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
മമ്മൂട്ടി ജോണി ആന്റണിയ്ക്കൊപ്പം ഡാന്സ് കളിക്കുന്നു
താപ്പാനയ്ക്ക് ശേഷം മമ്മൂട്ടിയെ നായകനാക്കി ജോണി ആന്റണി സംവിധാനം ചെയ്യുന്ന ചിത്രത്തിന് പേരിട്ടു. 'ഡാന്സ് ഡാന്സ്!' മമ്മൂട്ടിയിലെ ഡാന്സിന്റെ കഴിവിന് പ്രാധാന്യം നല്കി ആദ്യം ഒരു ചിത്രമെടുത്തതും ജോണി ആന്റണി തന്നെയാണ്. തുറുപ്പു ഗുലാന് എന്ന ചിത്രത്തിലെ മുഖ്യ ആകര്ഷണം മമ്മൂട്ടിയുടെ ഡാന്സായിരുന്നു.
മുന് ചിത്രങ്ങളെ പോലെ കോമഡിയ്ക്ക് പ്രാധാന്യം നല്കി തന്നെയാണ് ജോണി ആന്റണി മമ്മൂട്ടിയെ വച്ച് ഡാന്സ് ഡാന്സ് ഒരുക്കുന്നത്. ദുബയിലെ ഒരു ഡാന്സ് ബാറില് അംഗരക്ഷകന്റെ ജോലി ചെയ്യുന്ന ആളായിട്ടാണ് മമ്മൂട്ടി ഈ ചിത്രത്തില് വേഷമിടുന്നത്. പൂര്ണമായും ദുബയില്ത്തന്നെ ചിത്രീകരിക്കുന്ന സിനിമ കൂടിയായിരിക്കുമിത്.
രാജേഷ് നായരാണ് ചിത്രത്തിന് തിരക്കഥയെഴുതുന്നത്. ആനന്ദ് കുമാര് നിര്മിക്കുന്ന ചിത്രത്തിന്റെ ചിത്രീകരണം സെപ്റ്റംബറില് തുടങ്ങും. നായികയെയോ മറ്റ് അഭിനേതാക്കളെയോ തീരുമാനിച്ചിട്ടില്ല.
പൊതുവെ ഗൗരവമേറിയ പൊലീസ്, വക്കീല് വേഷങ്ങളിലും ആദര്ശധീരനായ കുടുംബനാഥന് വേഷങ്ങളിലും അഭിനയിച്ചിരുന്ന മമ്മൂട്ടിയക്ക് കോമഡിയുടെ ട്രാക്കൊരുക്കിയത് ജോണി ആന്റണിയാണ്. തുറുപ്പുഗുലാന് എന്ന ചിത്രത്തിന് കിട്ടിയ സ്വീകാര്യത ഈ കൂട്ടുകെട്ടിനെ അടുത്ത ഒന്നിലേക്ക് പറഞ്ഞുവിട്ടു.
പക്ഷെ പട്ടണത്തില് ഭൂതം എന്ന ചിത്രത്തില് വിജയം ആവര്ത്തിക്കാനായില്ല. തുടര്ന്നാണ് താപ്പാന എന്ന ചിത്രമൊരുക്കിയത്. എന്നാല് താപ്പാനയ്ക്കും വലിയ ഒരു ഹിറ്റാകാന് കഴിഞ്ഞില്ല. മൂന്ന് ചിത്രങ്ങളിലും മമ്മൂട്ടിയുടെ വേഷം ഒന്നിനൊന്ന് വ്യത്യസ്തമായിരുന്നു എന്നത് ശ്രദ്ധേയമാണ്.