Don't Miss!
- Lifestyle ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം
- Sports T20 World Cup 2024: അവസാന 2 കളിയില് 30, സഞ്ജുവിന് ഇനിയെത്ര വേണം, ടീമിന് പുറത്താവുമോ?
- News 'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ്
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
രണ്ടാമൂഴം പ്രൊജക്ട് ഉപേക്ഷിച്ചിട്ടില്ല ?
മലയാളസാഹിത്യത്തിലെ വിസ്മയിപ്പിക്കുന്ന സൃഷ്ടികളിലൊന്നായ രണ്ടാമൂഴം ചലച്ചിത്രമാകുന്നുവെന്ന വാര്ത്തകള് ഇടക്കാലത്ത് സജീവമായിരുന്നു. രണ്ടാമൂഴത്തിന്റെ രചയിതാവ് എംടി വാസുദേവന് നായരും സംവിധായകന് ഹരിഹരനും ഇതുസംന്ധിച്ച ചര്ച്ചകള് നടത്തുന്നുണ്ടെന്നും താരങ്ങളെ നിര്ണയിച്ചുകൊണ്ടിരിക്കുകയാണെന്നും റിപ്പോര്ട്ടുകള് വന്നു. എന്നാല് പിന്നീട് ഒരു ചാനല് അഭിമുഖത്തില് രണ്ടാമൂഴം ചലച്ചിത്രമാക്കാന് താന് ആഗ്രഹിക്കുന്നില്ലെന്ന് എംടി വ്യക്തമാക്കി.
അത് ചലച്ചിത്രമാക്കാന് താനാഗ്രഹിക്കുന്നില്ലെന്നും എക്കാലവും വായിക്കപ്പെടുന്ന ഒരു സാഹിത്യസൃഷ്ടിയായിത്തന്നെ നിലനില്ക്കട്ടെയെന്നുമായിരുന്നു എംടി പറഞ്ഞത്. ഇതോടെ രണ്ടാമൂഴത്തിലെ കേന്ദ്രകഥാപാത്രമായ ഭീമന് ആരാകുമെന്നും ബാക്കി കഥാപാത്രങ്ങളെയെല്ലാം ഏതെല്ലാം താരങ്ങള് അവതരിപ്പിക്കുമെന്നും സംബന്ധിച്ചുണ്ടായ ഊഹാപോഹങ്ങളെല്ലാം അവസാനിയ്ക്കുകയും ചെയ്തു. എന്നാല് ഇപ്പോള് വീണ്ടും രണ്ടാമൂഴം സിനിമയാകുമെന്നത് സംബന്ധിച്ച് വാര്ത്തകള് വന്നിരിക്കുകയാണ്.
രണ്ടാമൂഴം സിനിമയാകുമെന്നുള്ള വാര്ത്ത സജീവമായിരുന്നപ്പോള് ഭീമനായി മമ്മൂട്ടിയെത്തുമെന്ന് റിപ്പോര്ട്ടുകളുണ്ടായിരുന്നു. എന്നാല് ഇപ്പോള് വീണ്ടും കേള്ക്കുന്നത് മമ്മൂട്ടിയ്ക്ക് ഭീമന്റെ വേഷം നഷ്ടപ്പെട്ടുവെന്നാണ്. മുമ്പ് മമ്മൂട്ടി അനന്വശരമാക്കിയ ഒരു വടക്കന് വീരഗാഥയിലെ ചന്തുവെന്ന കഥാപാത്രത്തെപ്പോലെ അദ്ദേഹത്തിന് ലഭിയ്ക്കുന്ന കരുത്തുറ്റൊരു കഥാപാത്രമായിരിക്കും ഭീമനെന്നാണ് കരുതപ്പെട്ടിരുന്നത്. എന്നാല് ഈ വേഷവും മമ്മൂട്ടിയ്ക്ക് കൈവിട്ടുപോയെന്നാണ് കേള്ക്കുന്നത്. മോഹന്ലാലിന് തന്നെയാണ് ഭീമന്റെ വേഷമെന്നാണ് റിപ്പോര്ട്ടുകള്.
ചിത്രം രണ്ടു ഭാഗങ്ങളായി ചെയ്യുന്നതിനെക്കുറിച്ചാണ് ഹരിഹനും കൂട്ടരും ആലോചിച്ചുകൊണ്ടിരിക്കുന്നതെന്നും കേള്ക്കുന്നു. ചിത്രത്തിന് നിര്മ്മാതാവിനെ കിട്ടിയിട്ടുണ്ടെന്നും സൂചനയുണ്ട്. എന്തായാലും മുമ്പ് എംടി-ഹരിഹരന് ടീമില് ഒരുങ്ങിയ ഒരു വടക്കന് വീര ഗാഥയിലും പഴശ്ശിരാജയിലുമെല്ലാം മമ്മൂട്ടിയായിരുന്നു തകര്ത്തഭിനയിച്ചതെങ്കില് രണ്ടാമൂഴത്തില് മോഹന്ലാലാണ് വിലസാന് പോകുന്നതെന്നാണ് അറിയുന്നത്.