Don't Miss!
- Automobiles മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
- Lifestyle ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക
- News വിവാഹസമ്മാനമായി സഹോദരിക്ക് മോതിരവും ടിവിയും; ഭാര്യയ്ക്ക് ഇഷ്ടമായില്ല, യുവാവിനെ അടിച്ചുകൊന്നു
- Sports IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര്
- Finance സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്റ്റ് ഓഫീസ് പദ്ധതികൾ
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
പേടിത്തൊണ്ടന് സുരാജിനെ രക്ഷിക്കുമോ
റിലീസിങ് നിരവധി തവണ മാറ്റിവച്ച സുരാജ് വെഞ്ഞാറമൂടിന്റെ പേടിത്തൊണ്ടന് 18ന് തിയറ്ററിലെത്തും. പ്രദീപ് ചൊക്ലി സംവിധാനം ചെയ്യുന്ന ചിത്രത്തില് അനുശ്രീയാണ് സുരാജിന്റെ നായിക. ദേശീയ അവാര്ഡ് ലഭിച്ച സുരാജ് നായകനായി റിലീസ് ചെയ്യുന്ന രണ്ടാമത്തെ ചിത്രം കൂടിയാണിത്. മധുപാല്, ശിവജി ഗുരുവായൂര്, നിലമ്പൂര് ആയിഷ എന്നിവരാണ് മറ്റു പ്രധാനതാരങ്ങള്.
ഏകദേശം ഒരു വര്ഷമായി പേരിത്തൊണ്ടന്റെ ചിത്രീകരണം തുടങ്ങിയിട്ട്. വിജീഷ് മണിയായിരുന്നു ആദ്യ നിര്മാതാവ്. എന്നാല് ചിത്രീകരണം കഴിഞ്ഞ് എല്ലാം നിര്ത്തിവച്ചിരിക്കുകയായിരുന്നു. ഒടുവില് സംവിധായകന് ഇടപെട്ട് പുതിയൊരു നിര്മാതാവിനെ കണ്ടെത്തി സിനിമ റിലീസ്ചെയ്യാന് മുന്കൈ എടുക്കുകയായിരുന്നു.
ശ്രീനിവാസന് നായകനായ ഇംഗ്ലീഷ് മീഡിയം എന്ന ചിത്രം സംവിധാനം ചെയ്ത ആളാണ് പ്രദീപ് ചൊക്ലി. കാവ്യ ാമാധവന് നായികയായി മഴമേഘപ്രാവുകള് എന്ന ശ്രദ്ധേയ ചിത്രവും ഇദ്ദേഹം തന്നെയാണ് ഒരുക്കിയത്.
കണ്ണൂരിലെ തെയ്യത്തെ അവലംബമാക്കിയാണ് പേടിത്തൊണ്ടന്റെ കഥ വികസിക്കുന്നത്. പ്രസന്നന് ആണ് കഥയും തിരക്കഥയും. സുരാജ് കണ്ണൂര് സ്ലാങ്ില് സംസാരിക്കുന്നു എന്നതാണ് ചിത്രത്തിന്റെ പ്രത്യേകത. കണ്ണൂരിലെ ഒരു നാടന്പാട്ടും സുരാജ് പാടുന്നുണ്ട്. മമ്പാല ഗ്രാമത്തിലെ രാജീവന് എന്ന പേടിത്തൊണ്ടനായിട്ടാണ് സുരാജ് അഭിനയിക്കുന്നത്.
സുരാജ് നായകനായ ഗര്ഭശ്രീമാന് അടുത്തിടെ റിലീസ് ചെയ്ത് തിയറ്ററില് വേണ്ടത്ര ശ്രദ്ധ കിട്ടാതെ പോയിരുന്നു. പേടിത്തൊണ്ടന് തന്നെയാണ് സുരാജിന്റെയും പ്രദീപ് ചൊക്ലിയുടെയുമൊക്കെ ഭാവി തീരുമാനിക്കുക. റംസാന് കാലത്താണ് റിലീസ് എന്നത് ചിത്രത്തിനു ദോഷമാണെങ്കിലും റംസാന് കഴിഞ്ഞാല് ഒട്ടേറെ ചിത്രങ്ങള് റിലീസിനൊരുങ്ങുന്നുണ്ട്. അതുകൊണ്ട് റിലീസ് ചെയ്ത സമയത്ത് ശ്രദ്ധിക്കപ്പെട്ടാല് മാത്രമേ പേടിത്തൊണ്ടന് ഹിറ്റാകുകയുള്ളൂ.