സഭയില് ഉറങ്ങിയ ലാലുവിനെ സ്പീക്കര് പിടിച്ചു
സ്പീക്കറുടെ ചെയറിനു തൊട്ടുമുന്നില് മുന്നിരയിലാണു ലാലുവിന്റെ സീറ്റ്. ലാലു ഉറങ്ങുമ്പോള് സ്പീക്കര് ലാലുവിന്റെ തൊട്ടുപിന്നിലിരുന്ന പാര്ട്ടിയംഗം ഉമാ ശങ്കര് സിങിനെ വിളിയ്ക്കുകയും ലാലുവിനെ ഉണര്ത്താന് ആവശ്യപ്പെടുകയും ചെയ്തു.
ഉടനെ ഉമാശങ്കര് ലാലുവിന്റെ തോളില്ത്തട്ടി അദ്ദേഹത്തെ ഉണര്ത്തി. ഉറക്കവും ഉണര്ത്തലും എല്ലാം കഴിഞ്ഞ് പാര്ലമെന്റ് പിരിഞ്ഞപ്പോള് ലാലുവിന്റെ പഴയസുഹൃത്തും ഇപ്പോള് വലിയ എതിരാളിയുമായ ജതനാദള് യു പ്രസിഡന്റ് ശരദ് യാദവ് ലാലുവിനെതിരെ ഒരു തമാശയും തട്ടിവിട്ടു.
അദ്ദേഹം ബിഹാറില് 15 വര്ഷം ഉറക്കമായിരുന്നു. ക്ഷീണിച്ചു പാര്ലമെന്റില് വിശ്രമത്തിലാണ്-ഇതായിരുന്നു ശരദ് യാദവിന്റെ കമന്റ്. എന്തായാലും ഉറക്കവാര്ത്ത ലാലുവിന് വലിയ ക്ഷീണമായിരിക്കുകയാണ്. ഇതിന് മുമ്പ് റെയില്വേ മന്ത്രിയായിരുന്ന കാലത്ത് പൊതുചടങ്ങുകളുടെ വേദിയിലിരുന്നും മറ്റും ലാലു ഉറങ്ങുന്ന ചിത്രങ്ങള് പലവട്ടം മാധ്യമങ്ങളില് വന്നിട്ടുണ്ട്.