More Malayalam Updates on: http://m.oneindia.in/malayalam/
കോഴിക്കോട്: സിപിഎം സംസ്ഥാന സെക്രട്ടറി പിണറായി വിജയന് ഒഞ്ചിയം, ഓര്ക്കാട്ടേരി പ്രദേശങ്ങളില് ചൊവ്വാഴ്ച സന്ദര്ശനം നടത്തും. രാവിലെ പത്തു മണിയോടെ വടകര നാദാപുരം റോഡിലെ സിപിഎം ഏരിയാ കമ്മിറ്റി ഓഫിസില് നിന്നാണ് യാത്ര ആരംഭിക്കുക.
ടി.പി ചന്ദ്രശേഖരന് വധത്തിന് പിന്നാലെ ആര്എംപിക്കാര് നടത്തി ആക്രമണങ്ങളില് പരുക്കേറ്റ സിപിഎം പ്രവര്ത്തകരേയും ആക്രമണമുണ്ടായ സിപിഎം ഓഫീസുകളും പാര്ട്ടി പ്രവര്ത്തകരുടെ വീടുകളും സന്ദര്ശിക്കും. വൈകിട്ട് പയ്യോളിയില് നടക്കുന്ന പൊതുസമ്മേളനത്തിലും തുടര്ന്ന് ഓര്ക്കാട്ടേരിയില് നടക്കുന്ന പൊതുയോഗത്തിലും പങ്കെടുക്കും.
ടിപി വധത്തോടെ പ്രതിരോധത്തിലായ പാര്ട്ടിക്കെതിരെ ഉയരുന്ന വെല്ലുവിളികളും ആരോപണങ്ങളും നേരിടുന്നതിനായാണ് സിപിഎം ഒഞ്ചിയത്ത് റാലിയും രാഷ്ട്രീയ വിശദീകരണയോഗവും സംഘടിപ്പിയ്ക്കുന്നത്.
മെയ് നാലിന് ടിപി ചന്ദ്രശേഖരന് വധിയ്ക്കപ്പെട്ടതിന് ശേഷം ഇതാദ്യമായാണ് പിണറായി വിജയന് ഒഞ്ചിയം സന്ദര്ശിയ്ക്കുന്നത്. പാര്ട്ടി നേതൃത്വത്തെ ലക്ഷ്യമിട്ട് പൊലീസ് കേസന്വേഷണം മുന്നോട്ടു കൊണ്ടുപോകുന്ന സാഹചര്യത്തിലുള്ള പിണറായിയുടെ സന്ദര്ശനത്തിന് വന് രാഷ്ട്രീയ പ്രാധാന്യമാണ് കല്പ്പിയ്ക്കപ്പെടുന്നത്.
ഒഞ്ചിയത്തും പരിസരങ്ങളിലും രാഷ്ട്രീയ വിശദീകരണ യോഗം നടത്താന് സംസ്ഥാന സെക്രട്ടേറിയറ്റാണ് തീരുമാനമെടുത്തത്. കോഴിക്കോട് ജില്ലാ കമ്മിറ്റിയുടെ ആവശ്യം അംഗീകരിച്ചാണു തീരുമാനമുണ്ടായത്. പിണറായി പങ്കെടുക്കുന്ന സിപിഎം റാലിക്ക് പൊലീസ് അനുമതി നല്കിയിട്ടുണ്ട്. റാലിയില് പാര്ട്ടി പ്രവര്ത്തകരെ അണിനിരത്തി കരുത്ത് തെളിയിക്കാനായിരിക്കും സിപിഎം ശ്രമിയ്ക്കുക.
