ഒളിംപിക്‌സിന്‌ ഇന്ത്യയുടെ വമ്പന്‍ പട

ബാംഗ്ലൂര്‍: ഇത്തവണത്തെ ഒളിംപിക്‌സില്‍ പങ്കെടുക്കുന്ന ഇന്ത്യന്‍ താരങ്ങളുടെ എണ്ണം ഒരു റെക്കോര്‍ഡ്‌ ആണ്‌. കാരണം ഇതിനു മുമ്പ്‌ ഇത്രയും പേര്‍ ഇന്ത്യയില്‍ നിന്നും ഒളിംപിക്‌സില്‍ പങ്കെടുത്തിട്ടില്ല. 81 കായികതാരങ്ങളാണ്‌ ഇത്തണ ഇന്ത്യയെ പ്രതിനിധീകരിച്ച്‌ ലണ്ടന്‍ ഒളിംപിക്‌സ്‌ 2012ല്‍ മത്സരിക്കുന്നത്‌.

2008ലെ ബീജിങ്‌ ഒളിംപിക്‌സില്‍ 12 ഇനങ്ങളിലായി 57 പേരാണ്‌ ഇന്ത്യക്ക്‌ വേണ്ടി മത്സരിച്ചത്‌. ഇത്തവണ 13 ഇനങ്ങളിലായാണ്‌ 24 പേര്‍ അധികം മത്സരിക്കുന്നത്‌. 58 പുരുഷ കായികതാരങ്ങളും 23 വനിതാ താരങ്ങളും അടങ്ങിയതാണ്‌ ഈ 81 അംഗ ഇന്ത്യന്‍ സംഘം.

എന്നാല്‍ ഇത്തവണത്തെ ഒളിംപിക്‌സിന്‌ ഇന്ത്യയില്‍ നിന്നുള്ള സര്‍ക്കാര്‍ ഉദ്യോഗസ്ഥര്‍ വെറും 10 പേര്‍ മാത്രമാണ്‌. ബീജിങ്‌ ഒളിംപിക്‌സില്‍ 166 സര്‍ക്കാര്‍ ഉദ്യോഗസ്ഥരാണ്‌ ഇന്ത്യയില്‍ നിന്നും പോയിരുന്നത്‌.

81 മത്സരാര്‍ത്ഥികള്‍ക്ക്‌ പുറമെ, 10 സര്‍ക്കാര്‍ ഉദ്യോഗസ്ഥരും, 54 സപ്പോര്‍ട്ടിങ്‌ സ്‌റ്റാഫ്‌, 7 കോണ്ടിജന്റ്‌ ഉദ്യോഗസ്ഥര്‍, 12 സ്‌പോര്‍ട്‌സ്‌ ഫെഡറേഷന്‍ ഉദ്യോഗസ്ഥര്‍ എന്നിവരും ലണ്ടനിലേക്ക്‌ പോകുന്നുണ്ട്‌.

ലണ്ടന്‍ ഒളിംപിക്‌സ്‌ 2012ന്‌ ഇന്ത്യയുടെ ടീം