More Malayalam Updates on: http://m.oneindia.in/malayalam/
0
ചെന്നൈ: യാത്രക്കാരന് ഹൃദയാഘാതം അനുഭവപ്പെട്ടതിനെ തുടര്ന്ന് തിരുച്ചിറപ്പള്ളി വഴി സിംഗപ്പൂരിലേയ്ക്ക് പോവുകയായിരുന്ന എയര് ഇന്ത്യ വിമാനം തിരിച്ചിറക്കി. പറന്നുയര്ന്ന് പത്ത് മിനിറ്റിന് ശേഷമാണ് 182 യാത്രക്കാരുള്ള വിമാനം ചെന്നൈ വിമാനത്താവളത്തില് തിരിച്ചിറക്കിയത്. ഹൃദയാഘാതം അനുഭവപ്പെട്ട യാത്രക്കാരനെ പ്രാഥമിക ശുശ്രൂഷ നല്കിയ ശേഷം അപ്പോളോ ആശുപത്രിയില് പ്രവേശിപ്പിച്ചു.
എന്നാല് വിമാനം മൂന്ന് മണിക്കൂറോളം വൈകിയതില് മറ്റ് യാത്രക്കാര് പ്രതിഷേധമുയര്ത്തി. ഒടുവില് പന്ത്രണ്ടോളം യാത്രക്കാരെ ബസ് വഴി തിരുച്ചിറപ്പള്ളിയില് എത്തിച്ച് അവിടെ നിന്ന് മറ്റൊരു വിമാനത്തില് കയറ്റി വിടാന് തീരുമാനമായി. ശേഷിക്കുന്നവര് ഉച്ചയോടെ ചെന്നൈയില് നിന്നു തന്നെ യാത്ര തിരിക്കും.
