രാജ്യത്ത് 70 അതിസന്പന്നര്,ഒന്നാമന് മുകേഷ് അംബാനി
ദില്ലി: ഇന്ത്യയില് 70 മഹാകോടീശ്വര്മാര് ഉണ്ടെന്ന് റിപ്പോര്ട്ട്. ഇന്ത്യയിലെ ഏറ്റവും ധനികന് മുകേഷ് അംബാനിയാണെന്നും റിപ്പോര്ട്ട്. ചൈന ആസ്ഥാനമായി പ്രവര്ത്തിയ്ക്കുന്ന ഹ്യൂറണ്സ് റിസര്ച്ച് പുറത്ത് വിട്ട ലോക സമ്പന്നരുടെ പട്ടികയിലാണ് മുകേഷ് അംബാനി ഇടം നേടിയത്. 10,98,00 കോടി രൂപയാണ് റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനിയുടെ ആസ്തി. ലോകത്ത് ഏറ്റവും ബില്യണയര്മാര് ഉള്ള അഞ്ചാമത്തെ രാജ്യമാണ് ഇന്ത്യയെന്നും റിപ്പോര്ട്ടില് പറയുന്നു.
ലോക സമ്പന്നരുടെ പട്ടികയില് 41 മതാണ് മുകേഷ് അംബാനി. ബില്ഗേറ്റ്സ് ആണ് പട്ടികയില് ഒന്നാമത്. 68ബില്ല്യണാണ് ബില്ഗേറ്റസിന്റെ ആസ്തി. ലോക സമ്പന്നരുടെ പട്ടികയില് ഒട്ടേറെ ഇന്ത്യക്കാര് ഉള്പ്പെട്ടിട്ടുണ്ട്. ലക്ഷ്മി മിത്തല് പട്ടികയില് 49 മാതാണ്. ഇദ്ദേഹത്തിന്റെ ആസ്തി 10,37,00 കോടി രൂപയാണ്.
സണ്ഫാര്മസ്യൂട്ടിക്കല്സ് ഇന്ഡസ്ട്രീസിലെ ദിലിപ് സംങ്വി, വിപ്രോയുടെ അസിം പ്രേംജി എന്നിവര് പട്ടികയില് 77മത് ഇടം നേടി. 82,350 കോടി രൂപയാണ് ഇവരുടെ രണ്ട് പേരുടേയും ആസ്തി.
പല്ലോണ്ജി മിസ്ത്രി പട്ടികയില് 93 മതാണ്. ഇദ്ദേഹത്തിന്റെ ആസ്തി 72,300 കോടി രൂപയാണ്.ലോക സമ്പന്നരുടെ പട്ടികയില് ബില്ഗേറ്റ്സ കഴിഞ്ഞാല് രണ്ടാമത് ഇടം നേടിയത് വാറന് ബഫറ്റ് ആണ്. രൂപയുടെ നില ഇന്ത്യ മെച്ചപ്പെടുത്തിയതായും റിപ്പോര്ട്ടില് പറയുന്നു.
ഇന്ത്യയിലെ അതിസമ്പന്നരില് 33 പേരും മുംബൈയിലാണ്. അതിസമ്പന്നരുടെ നഗരങ്ങളില് ആറാം സ്ഥാനത്താണ് മുംബൈ. ലോകത്തെ ആകെ സമ്പന്നരില് പകുതിയും അമേരിയ്ക്കയിലും ചൈനയിലും നിന്നുള്ളവരാണ്.