കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മരിച്ചിട്ടില്ലെന്ന് ലതാ മങ്കേഷ്‌കര്‍ ട്വിറ്ററില്‍

Google Oneindia Malayalam News

ദില്ലി: ഇന്ത്യയുടെ വാനമ്പാടി ലതാ മങ്കേഷ്‌കര്‍ മരണത്തിന് കീഴടങ്ങിയതായി സോഷ്യല്‍ മീഡിയയില്‍ അഭ്യൂഹങ്ങള്‍. എന്നാല്‍ താന്‍ ജീവനോടെയുണ്ട് എന്നറിയിച്ചുകൊണ്ട് ലത മങ്കേഷ്‌കര്‍ തന്നെ രംഗത്തെത്തിയതോടെയാണ് ആരാധകര്‍ക്ക് ആശ്വാസമായത്. ഹൃദയാഘാതത്തെ തുടര്‍ന്ന് ലതാജി മരണത്തിന് കീഴടങ്ങി എന്ന നിലയിലായിരുന്നു പ്രചാരണങ്ങള്‍.

ട്വിറ്ററിലൂടെയാണ് ഈ വാര്‍ത്തകള്‍ നിഷേധിച്ചുകൊണ്ട് ലത മങ്കേഷ്‌കര്‍ രംഗത്തെത്തിയത്. തന്റെ ആരോഗ്യത്തിന് യാതൊരു പ്രശ്‌നവമില്ല. ആരാധകരുടെ പ്രാര്‍ഥനയും ദൈവത്തിന്റെ അനുഗ്രഹവും കൊണ്ട് സുഖമായിരിക്കുന്നു എന്നാണ് മൈക്രോ ബ്ലോഗിംഗ് സൈറ്റായ ട്വിറ്ററില്‍ കുറിച്ചത്. ഹിന്ദിയിലായിരുന്നു ലതാ മങ്കേഷ്‌കറിന്റെ ട്വീറ്റ്.

latamangeshkar

സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ ലത മങ്കേഷ്‌കറിന്റെ അസുഖ വിവരം പരന്നതോടെ നിരവധി സെലിബ്രിറ്റികളും ബോളിവുഡ് നടന്മാരും ഇതി നിഷേധിച്ച് രംഗത്തെത്തി. ലത മങ്കേഷ്‌കറിനോട് ഇപ്പോള്‍ സംസാരിച്ചതേയുള്ളൂ എന്നും അനാവശ്യ വാര്‍ത്തകള്‍ പ്രചരിപ്പിക്കരുത് എന്നും സംവിധായകന്‍ മധുര്‍ ഭണ്ഡാര്‍ക്കര്‍ ട്വീറ്റ് ചെയ്തു.

തന്റെ കുടുംബ സുഹൃത്തായ ലതാജി സുഖമായിരിക്കുന്നു എന്നും റൂമറുകള്‍ കേട്ട് ലതാ മങ്കേഷ്‌കര്‍ ചിരിക്കുകയാണ് എന്ന് നടിയും ബി ജെ പി നേതാവായ സ്മൃതി ഇറാനി ട്വിറ്ററില്‍ കുറിച്ചു. അന്തരിച്ച ബോളിവുഡ് നടി നന്ദയെക്കുറിച്ചുള്ള ഓര്‍മകളും താന്‍ ബേബി നന്ദ എന്ന് വിളിക്കാറുള്ള പ്രിയപ്പെട്ട നടിയുടെ വിയോഗത്തില്‍ ദു:ഖവും അവര്‍ ട്വിറ്ററിലൂടെ പങ്കുവെച്ചു.

English summary
Lata Mangeshkar rubbishes rumours of heart attack on Twitter
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X