മോദി ചൂലെടുത്തു; ക്ലീന്‍ ഇന്ത്യ ക്യാംപെയ്ന്‍ തുടങ്ങി

ദില്ലി: നരേന്ദ്ര മോദി സര്‍ക്കാരിന്റെ സ്വപ്‌ന പദ്ധതിയായ സ്വച്ഛ് ഭാരത് അഭിയാന് തുടക്കമായി. പ്രധാനമന്ത്രി നരേന്ദ്ര മോദി ചൂലെടുത്താണ് പദ്ധതി ഉദ്ഘാടനം ചെയ്തത്. തലസ്ഥാന നഗരമായ ദില്ലിയിലെ വാത്മികി ബസ്തിയിലാണ് ക്ലീന്‍ ഇന്ത്യ ക്യാംപെയ്‌ന് വേണ്ടി മോദി ചൂലെടുത്തത്. ഗാന്ധി ജയന്തി ദിനമായ ഒക്ടോബര്‍ രണ്ടിന് ഞാന്‍ ചൂലെടുക്കുമെന്നും നിങ്ങളും എന്നോടൊപ്പം കൂടണമെന്നും മോദി നേരത്തെ രാജ്യത്തോട് അഭ്യര്‍ഥിച്ചിരുന്നു.

രാഷ്ട്രപിതാവിന്റെ നൂറ്റി നാൽപത്തിനാലാം ജന്മദിനത്തില്‍ രാജ്ഘട്ടിലെത്തി പ്രണാമം അര്‍പ്പിച്ച ശേഷമാണ് നരേന്ദ്ര മോദി സ്വച്ഛ് ഭാരത് അഭിയാന് തുടക്കമിട്ടത്. ഗാന്ധിജയന്തി ദിനത്തില്‍ മോദിയുടെ പ്രത്യേക നിര്‍ദേശ പ്രകാരം സര്‍ക്കാര്‍ ഓഫീസുകളും സ്‌കൂളുകളും മറ്റും പ്രവര്‍ത്തിക്കുന്നുണ്ട്. അടുത്ത അഞ്ച് വര്‍ഷം കൊണ്ട് ഇന്ത്യയെ മാലിന്യമുക്തമാക്കാനാണ് ക്ലീന്‍ ഇന്ത്യ ക്യാംപെയ്‌ന്റെ ലക്ഷ്യം.

ക്ലീന്‍ ഇന്ത്യ ക്യാംപെയ്ന്‍

സ്വച്ഛ് ഭാരത് ക്യാംപെയ്‌ന് പ്രധാനമന്ത്രി തുടക്കം കുറിക്കുന്നു.

മുന്നില്‍ നിന്നു നയിക്കാന്‍

പ്രധാനമന്ത്രിയായ മോദി സ്വയം ചൂലെടുത്ത് വൃത്തിയാക്കിക്കൊണ്ടാണ് ക്യാംപെയ്‌ന് തുടക്കം കുറിച്ചത്.

പ്രധാനമന്ത്രി പ്രധാന സേവക്

താന്‍ പ്രധാനമന്ത്രിയല്ല രാജ്യത്തിന്റെ പ്രധാന സേവകനാണ് എന്നാണ് മോദി സ്വയം വിശേഷിപ്പിക്കുന്നത്.

എന്താ ഇങ്ങനെയല്ലേ

വാത്മികി ബസ്തിയിലെ കുട്ടികള്‍ക്കൊപ്പം നരേന്ദ്ര മോദി

വാത്മികി ബസ്തിയില്‍

ഗാന്ധിജിക്ക് ഏറെ പ്രിയപ്പെട്ട വാത്മികി ബസ്തിയാണ് മോദി ക്യാംപെയ്ന്‍ തുടങ്ങാന്‍ തിരഞ്ഞെടുത്തത്

വാത്മികി ബസ്തിയില്‍ മോദി

പ്രധാനമന്ത്രി നരേന്ദ്ര മോദി വാത്മികി ബസ്തിയില്‍

ക്ലീന്‍ ഇന്ത്യ ക്യാംപെയ്ന് തുടക്കം

സ്വച്ഛ് ഭാരത് ക്യാംപെയ്‌ന് തുടക്കം കുറിക്കാനായി മോദി വാത്മീകി ബസ്തിയിലെത്തുന്നു