കശ്മീര് പാകിസ്താനൊപ്പം ചേര്ക്കുമെന്ന് ബിലാവല് ഭൂട്ടോ
ഇസ്ലാമാബാദ്: കശ്മീരിനെ ഇന്ത്യില് നിന്നെടുത്ത് പാകിസ്താനില് ചേര്ക്കുമെന്ന് ബിലാവല് ഭൂട്ടോ. പാകിസ്താന് പീപ്പിള്സ് പാര്ട്ടി നേതാവായ ബിലാവല് ഭൂട്ടോ കൊല്ലപ്പെട്ട മുന് പാക് പ്രധാനമന്ത്രി ബേനസീര് ഭൂട്ടോയുടെ മകനാണ്. പിതാവ് ആസിഫ് അലി സര്ദാരി പാകിസ്താന്റെ പ്രസിഡന്റും ആയിരുന്നു.
കശ്മീരിനെ ഞാന് തിരിച്ചുപിടിക്കും. പൂര്ണമായും. കശ്മീരിന്റെ ഒരിഞ്ച് പോലും ഇന്ത്യക്ക് വിട്ടുകൊടുക്കില്ല. കാരണം കശ്മീര് പാകിസ്താന്റെ ഭാഗമാണ്- ബിലാവല് ഭൂട്ടോയുടെ വാക്കുകള് ഇങ്ങനെയായിരുന്നു.
മുന് പ്രധാനമന്ത്രി യൂസഫ് റാസ ഗീലാനിയുടെ നാട്ടില് നടന്ന യോഗത്തില് പാര്ട്ടി പ്രവര്ത്തകരോട് സംസാരിക്കുകയായിരുന്നു ബിലാവല്. ഗീലാനിയും സദസ്സില് ഉണ്ടായിരുന്നു.
പാകിസ്താനില് പ്രധാനമന്ത്രി നവാസ് ഷെരീഫും പ്രതിപക്ഷ നേതാവ് ഇമ്രാന് ഖാനും തമ്മിലുള്ള രാഷ്ട്രീയ പോരിനേയും ബിലാവല് രൂക്ഷമായി വിമര്ശിച്ചു. പഞ്ചാബ് പ്രവിശ്യ വെള്ളപ്പൊക്ക കെടുതി അനുഭവിക്കുമ്പോള് ശത്രുക്കള് രാഷ്ട്രത്തെ തന്നെ മുക്കുകയാണെന്നാണ് ബിലാവല് പറഞ്ഞത്.
മുന് പ്രധാനമന്ത്രി ബേനസീര് ഭൂട്ടോയുടെ കൊലപാതകത്തോടെയാണ് ബിലാവല് ഭൂട്ടോ പാകിസല്താന് പീപ്പിള്സ് പാര്ട്ടിയുടെ നേതൃത്വത്തിലേക്ക് വരുന്നത്. പിതാവ് ആസിഫ് അലി സര്ദാരിക്കെതിരെ നിരവധി അഴിമതി ആരോപണങ്ങള് നിലനില്ക്കുന്നതിനാല് ആയിരുന്നു ഇത്. 2018 ല് പാകിസ്താനില് നടക്കാനിരിക്കുന്ന പൊതു തിരഞ്ഞെടുപ്പില് താന് മത്സരിക്കുമെന്ന് ബിലാവല് പ്രഖ്യാപിച്ചിട്ടുണ്ട്.