സരിതയ്ക്ക് അറസ്റ്റ് വാറണ്ട്: വിശദീകരണവുമായി ഫേസ്ബുക്കില് സരിത
ഇടുക്കി: സോളാര് തട്ടിപ്പ് കേസില് ജാമ്യത്തില് പുറത്തിറങ്ങിയ സരിത എസ് നായര് സാമൂഹവുമായി കൂടുതല് അടുത്ത് ഇടപഴകാനുള്ള ശ്രമത്തിലാണ്. അതിന് വേണ്ടി ഫേസ്ബുക്കില് പുതിയ അക്കൗണ്ടുകളെല്ലാം തുടങ്ങിയിട്ടുമുണ്ട്. അതിനിടയില് സരിതയ്ക്ക് അറസ്റ്റ് വാറണ്ട്. കാറ്റാടിപ്പാടം നിര്മിച്ചു നല്കാം എന്ന് വാഗ്ദാനം നല്കി പണം തട്ടിയ കേസിലാണ് അറസ്റ്റ് വാറണ്ട്. ഇടുക്കി ജില്ലാ ഉപഭോക്തൃ കോടതിയാണ് അറസ്റ്റ് വാറണ്ട് പുറപ്പെടുവിച്ചത്. ഈ മാസം 31നകം അറസ്റ്റ് ചെയ്ത് കോടതിയില് ഹാജരാക്കാനാണ് നിര്ദ്ദേശം.
രാജക്കാട് സ്വദേശികളായ ജിമ്മി കുര്യാന്, ബിജു കെ ജോസഫ് എന്നിവര് നല്കിയ ഹര്ജിയിലാണ് ഉപഭക്തൃതര്ക്ക പരിഹാരവേദി പ്രസിഡന്റ് ലൈജു രാധാകൃഷ്ണന്റെ ഉത്തരവ്. കാറ്റാടിപ്പാടം നിര്മിച്ചു നല്കാം എന്ന് പറഞ്ഞ് 2011 ഏപ്രിലില് 9.15 കോടിരൂപ സരിതയും ടീം സോളാറിന്റെ സി ഇ ഒ ഡോ. കെ ബി നായര് എന്ന പേരില് ബിജു രാധാകൃഷ്ണനും കൈപ്പറ്റിയെന്നാണ് കേസ്.
ഈ കേസില് തുകയും ഒമ്പത് ശതമാനം പലിശയും 10,000 രൂപ നഷ്ടപരിഹാരവും നല്കാന് വിധിച്ചിരുന്നു. എന്നാല് ഒരു മാസം കഴിഞ്ഞിട്ടും തുക നല്കാത്തതിനാല് സിവില് കേസിനെ ക്രിമിനല് കേസായി പരിഗണിച്ചു. ജൂണ് 12ന് ബിജു രാധാകൃഷ്ണന് കോടതയില് ഹാജരായിരുന്നു. തുടര്ച്ചയായി ഹാജരാകാത്തതിനെ തുടര്ന്നാണ് സരിതയ്ക്ക് അറസ്റ്റ് വാറണ്ട്.
ഇതിന് വിശദീകരണവുമായി സരിത ഫേസ്ബുക്കില് എത്തിയിട്ടുണ്ട്. 'ഒരേ സമയം കേരളത്തിലെ വിവിധ കോടതികളില് എനിക്ക് ഹാജരാകേണ്ടതുണ്ട്. ഇപ്പറയുന്നത് അറസ്റ്റ് വാറന്റ് അല്ല. ബഹുമാനപ്പെട്ട ഇടുക്കി കണ്സൂ്യൂമര് കോടതി മുന്പാകെ ജൂലൈ 31 നു ഹാജരാകേണ്ടതിനുള്ള നിര്ദേശമാണ് ഇത്തരത്തില് വളച്ചൊടിയ്ക്കപ്പെട്ടിട്ടുള്ളത്. നിലവിലുള്ള ഈ കേസിനു, പഴയ അടച്ചുപൂട്ടപ്പെട്ട കമ്പനിയുടെ മേല്വിലാസത്തില് നോട്ടീസ് വന്നത് കൈപ്പറ്റാനാകിയില്ല.
<div id="fb-root"></div> <script>(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_US/all.js#xfbml=1"; fjs.parentNode.insertBefore(js, fjs); }(document, 'script', 'facebook-jssdk'));</script> <div class="fb-post" data-href="https://www.facebook.com/permalink.php?story_fbid=510825302382386&id=508358825962367" data-width="466"><div class="fb-xfbml-parse-ignore"><a href="https://www.facebook.com/permalink.php?story_fbid=510825302382386&id=508358825962367">Post</a> by <a href="https://www.facebook.com/pages/Saritha-S-Nair/508358825962367">Saritha S Nair</a>.</div></div>
കേരളത്തില് പ്രാമുഖ്യം കൊടുക്കേണ്ട വളരെയധികം വിഷയങ്ങള് ഉണ്ടായിട്ടും എന്നെ ഇത്തരത്തില് ചിത്രീകരിക്കാന് എന്തുകൊണ്ട് ഇത്രയും താല്പ്പര്യം കാണിക്കുന്നു എന്നത് മനസിലാകാത്ത ഒരു കാര്യമാണ്. സോളാര് കേസ് സെന്സേഷനല് ആയി എന്നത് മാത്രം കൊണ്ട് ഒരു സ്ത്രീയെന്ന നിലയില് കിട്ടേണ്ട പരിഗണന പോലും എനിക്ക് എവിടെയും കിട്ടുന്നില്ല. ഇതിനെല്ലാം ഒരു ശുഭാവസാനം ഉണ്ടാകുമെന്ന് പ്രതീക്ഷിക്കുന്നു- എന്നാണ് സരിതയുടെ പോസ്റ്റ്