Click it and Unblock the Notifications
Just In
Don't Miss
-
IPL 2024: ലോകകപ്പില് സഞ്ജു കളിക്കട്ടെ! രോഹിത്തിനു ശേഷം ഇന്ത്യന് നായകനുമാക്കൂ, ഭാജി പറയുന്നു -
ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ... -
അവനെ നോക്കിയാല് തല്ല് കിട്ടും! സാറ ഭീഷണിപ്പെടുത്തി; അനന്യ പാണ്ഡെയുടെ വെളിപ്പെടുത്തല് -
സൂര്യന് അത്യുച്ചസ്ഥായിയില്, അതിവിശേഷം പത്താമുദയം; ഏതൊരു മംഗളകാര്യത്തിനും ശുഭദിനം -
തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ് -
തങ്കപ്പനല്ല, പൊന്നപ്പൻ..! റെക്കോർഡ് വിലയിൽ നിന്നും താഴോട്ടിറങ്ങി സ്വർണം, 5 ദിവസം കൊണ്ട് കുറഞ്ഞത് 1,600 രൂപ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സ്കൂള് പാഠ്യപദ്ധതിയില്‍ ഇനി കലാപഠനവും
ആലപ്പുഴ: സ്കൂള് പാഠ്യപദ്ധതിയില്‍ ഈ വര്‍ഷം മുതല്‍ കലാപഠനവും ഉള്‍പ്പെടുത്തുന്നതായി റിപ്പോര്‍ട്ട്. മാതൃഭൂമിയാണ് ഇക്കാര്യം റിപ്പോര്‍ട്ട് ചെയ്തിരിയ്ക്കുന്നത്. എസ്‌സിഇആര്‍ടി ഇത് സംബന്ധിച്ച സിലബസ് തയ്യാറാക്കിയതായും റിപ്പോര്‍ട്ടില്‍ പറയുന്നു. ഇതിലേക്കായി അധ്യാപകരെ താത്ക്കാലികാടിസ്ഥാനത്തില്‍ നിയമിയ്ക്കാനും ധാരണയായി. 1600 ഓളം അധ്യാപകര്‍ക്ക് പുതുതായി അവസരം കിട്ടുമെന്നാണ് സൂചന.
സംഗീതം, നൃത്തം, ചിത്രകല/ശില്‍പ്പകല, നാടകം/ സിനിമ എന്നീ ഇനങ്ങളാണ് കലാപഠനത്തില്‍ പാഠ്യവിഷയമായി ഉള്‍പ്പെടുത്തിയിരിയ്ക്കുന്നത്. വിദ്യാഭ്യാസാവകാശ നിയമത്തിന്റെ ഭാഗമായാണ് കലാപഠനം പാഠ്യപദ്ധതിയില്‍ ഉള്‍പ്പെടുത്തിയത്.
പ്രൈമറി മുതല്‍ ഹൈസ്‌കൂള്‍ വരെയുള്ള വിദ്യാര്‍ത്ഥികള്‍ക്കുള്ള പാഠ്യപദ്ധതികളാണ് തയ്യാറായത്. ഹയര്‍സെക്കന്‍ഡറി വിദ്യാര്‍ഥികള്‍ക്കുള്ള സിലബസ്സും തയ്യാറായി വരുന്നു. എസ് സിഇആര്‍ടി റിസര്‍ച്ച് ഓഫീസര്‍ മണക്കാല ഗോപാലകൃഷ്ണന്റെ നേതൃത്വത്തിലുള്ള വിദഗ്ദര്‍ ചേര്‍ന്നാണ് സിലബസ് തയ്യാറാക്കിയത്.
കലാപഠനത്തിനായി താത്ക്കാലിക അടിസ്ഥാനത്തില്‍ നിയമിയ്ക്കുന്ന അധ്യാപകര്‍ക്ക 14,000 രൂപ ശമ്പളം നല്‍കാനും സര്‍ക്കാര്‍ തീരുമാനിച്ചു. ദേശീയ അധ്യാപനത്തിന്റെ ഭാഗമായതിനാല്‍ ഈ തുക സര്‍വ്വശിക്ഷ അഭിയാന്‍ വഴി നല്‍കും. സംസ്ഥാന സര്‍ക്കാരിന് ഇത് അധിക ബാധ്യതയാവില്ലെന്നതാണ് മറ്റൊരു പ്രത്യേകത. കലാപഠനത്തിന് പാഠ്യപദ്ധതി ഇത് ആദ്യമാണ്. ബിഎഡ് മുതലായ കോഴ്‌സുകളിലും കലാപഠനം പാഠ്യവിഷയമാക്കും.
