Click it and Unblock the Notifications
Just In
Don't Miss
-
ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ് -
35-ന് ശേഷവും യൗവ്വനവും തുടിപ്പും നിലനിര്ത്താം, എല്ലുകള് സ്ട്രോംങ് ആക്കാന് പാനീയങ്ങള് -
IPL 2024: ലോകകപ്പില് സഞ്ജു കളിക്കട്ടെ! രോഹിത്തിനു ശേഷം ഇന്ത്യന് നായകനുമാക്കൂ, ഭാജി പറയുന്നു -
ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ... -
അവനെ നോക്കിയാല് തല്ല് കിട്ടും! സാറ ഭീഷണിപ്പെടുത്തി; അനന്യ പാണ്ഡെയുടെ വെളിപ്പെടുത്തല് -
തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സംസ്ഥാന ചലച്ചിത്ര പുരസ്‌കാരം പ്രഖ്യാപിച്ചു
തിരുവനന്തപുരം: ദേശീയ പുരസ്‌കാരത്തിന് പിന്നാലെ സംസ്ഥാന സര്‍ക്കാറിന്റെ ചലച്ചിത്ര പുരസ്‌കാരങ്ങളും പ്രഖ്യാപിച്ചു. മന്ത്രി തിരുവഞ്ചൂര്‍ രാധാകൃഷ്ണനാണ് പുരസ്‌കാരങ്ങള്‍ പ്രഖ്യാപിച്ചത്. ദേശീയതലത്തില്‍ മികച്ച നടനായി തിരഞ്ഞെടുക്കപ്പെട്ട സുരാജ് വെഞ്ഞാറമൂടിന് മികച്ച ഹാസ്യ താരത്തിനുള്ള പുരസ്‌കാരമാണ് ലഭിച്ചത്.
മികച്ച നടനായി ഫഹദ് ഫാസിലിനെയും ലാലിനെയും തിരഞ്ഞെടുത്തു. ആന്‍ അഗസ്ത്യനാണ് മികച്ച നടി. നവാഗതനായ സുദേവന്‍ സംവിധാനം ചെയ്ത സിആര്‍ നമ്പര്‍ 86 എന്ന ചിത്രമാണ് സംസ്ഥാന സര്‍ക്കാറിന്റെ മികച്ച ചിത്രത്തിനുള്ള പുരസ്‌കാരം സ്വന്തമാക്കിയത്.
ദേശീയ പുരസ്‌കാരം ലഭിച്ച പേരറിയാത്തവര്‍ എന്ന ചിത്രത്തിന് സംസ്ഥാന സര്‍ക്കാറിന്റെ ഒരു പുരസ്‌കാരവും ലഭിച്ചില്ല. അവസാന നിമിഷമാണ് ലാലിന്റെ പേര് പട്ടികയില്‍ ചേര്‍ത്തത്. മികച്ച രണ്ടാമത്തെ നടിയായി ലെനയെയും നടനായി അശോക് കുമാറിനെയും തിരഞ്ഞെടുത്തു. മറ്റ് പുരസ്‌കാരങ്ങള്‍ നോക്കാം
മികച്ച നടന്‍
ആര്‍ട്ടിസ്റ്റ്, നോര്‍ത്ത് 24 കാതം എന്നീ ചിത്രങ്ങളിലെ അഭിനയത്തിന് ഫഹദ് ഫാസിലിനും അയാള്‍ സക്കറിയയുടെ ഗര്‍ഭിണികള്‍ എന്നീ ചിത്രങ്ങളിലെ അഭിനയത്തിന് ലാലിനും മികച്ച നടനുള്ള പുരസ്‌കാരം ലഭിച്ചു.
മികച്ച നടി
ആര്‍ട്ടിസ്റ്റ് എന്ന ചിത്രത്തിലെ അഭിനയത്തിനാണ് ആന്‍ അഗസ്ത്യന് മികച്ച നടിക്കുള്ള പുരസ്‌കാരം ലഭിച്ചത്
മികച്ച ചിത്രം
നവാഗതനായ സുദേവന്‍ സംവിധാനം ചെയ്ത സിആര്‍ നമ്പര്‍ 89 ആണ് മികച്ച ചിത്രം. നാലു ഹ്രസ്വ ചിത്രങ്ങള്‍ സംവിധാനം ചെയ്ത സുദേവന്റെ കന്നിചിത്രമാണ് സി ആര്‍ നമ്പര്‍ 89
മികച്ച സംവിധായകന്‍
ആര്‍ട്ടിസ്റ്റ് എന്ന ചിത്രം ഒരുക്കിയ ചെയ്ത ശ്യാമപ്രസാദാണ് മികച്ച സംവിധായകനുള്ള പുരസ്‌കാരം നേടിയത്.
ജനപ്രിയ ചിത്രം
ജിത്തു ജോസഫ് സംവിധാനം ചെയ്ത ദൃശ്യമാണ് മികച്ച ജനപ്രിയ ചിത്രം
മികച്ച രണ്ടാമത്തെ നടി
അയാള്‍, കന്യക ടാക്കീസ് എന്നീ ചിത്രങ്ങളിലെ അഭിനയത്തിന് മികച്ച രണ്ടാമത്തെ നടിക്കുള്ള പുരസാകരം ലെനയ്ക്ക് ലഭിച്ചു
ഹാസ്യതാരം
മികച്ച നടനുള്ള ദേശീയ പുരസ്‌കാരം ലഭിച്ച സുരാജിന് സംസ്ഥാന സര്‍ക്കാറിന്റെ മികച്ച ഹാസ്യതാരത്തിനുള്ള പുരസ്‌കാരം ലഭിച്ചു. ദൈവത്തിന്റെ സ്വന്തം ക്ലീറ്റസ്, പുള്ളിപ്പുലികളും ആട്ടിന്‍ കുട്ടിയും എന്നീ ചിത്രങ്ങളാണ് പരിഗണിച്ചത്
മികച്ച ഗായിക
കഴിഞ്ഞ വര്‍ഷം സെല്ലുലോയ്ഡ് എന്ന ചിത്രത്തിന് മികച്ച ഗായികയ്ക്കുള്ള പുരസ്‌കാരം ലഭിച്ച വൈക്കം വിജയലക്ഷ്മിയ്ക്ക് തന്നെയാണ് ഇത്തവണയും പുരസ്‌കാരം. നടനിലെ പാട്ടാണ് പരിഗണിച്ചത്
മികച്ച ബാലതാരം
ഫിലിപ്‌സ് ആന്റ് ദി മങ്കി പെന്‍ എന്ന ചിത്രത്തിലെ അഭിനയത്തിന് സനൂപ് സന്തോഷനാണ് മികച്ച ബാലതാരത്തിനുള്ള പുരസ്‌കാരം ലഭിച്ചത്
സനുഷയ്ക്ക്
സക്കറിയയുടെ ഗര്‍ഭിണികള്‍ എന്ന ചിത്രത്തിലെ അഭിനയത്തിന് സനുഷയ്ക്ക് പ്രത്യേത ജൂറി പരമാര്‍ശം ലഭിച്ചു
