' മണ്ടനാകാതെ രാജിവക്കാം... ഇതാ സുവര്ണാവസരം'
തിരുവനന്തപുരം: മുഖ്യമന്ത്രി ശ്രീമാന് ഉമ്മന് ചാണ്ടിക്ക് രാജി വക്കാന് ഇതിലും വിലയ1ാെരു അവസരം ഇനി കിട്ടില്ല. ആരെങ്കിലും സമരം ചെയ്തോ പ്രശ്നമുണ്ടാക്കിയോ രാജിവക്കുന്നതിനേക്കാളെല്ലാം നന്നായി രാജി വക്കാം. മണ്ടനാകാതെ രാജിവക്കാനും ഇത തന്നെയാണ് അവസരം....
സാക്ഷാല് പ്രതിപക്ഷ നേതാവ് വിഎസ് അച്യുതാനന്ദനാണ് ഇത്തരമൊരു ഉപദേശം ഉമ്മന് ചാണ്ടിക്ക് നല്കുന്നത്. പാമോലിന് കേസില് സുപ്രീം കോടതി പരാമര്ശമാണ് വിഎസിന്റെ ഉപദേശത്തിന് ആധാരം.
അഴിമതി ആരോപണം ഉയര്ന്നാലുടന് രാജിവക്കാന് താന് മണ്ടനല്ലെന്നാണ് കഴിഞ്ഞ ദിവസം ഉമ്മന് ചാണ്ടി പറഞ്ഞത്. എഴുതി തയ്യാറാക്കിയ പ്രസ്താവനയാണ് വിഎസ് വായിച്ചത്. എന്നാലും ഉമ്മന് ചാണ്ടിയുടെ മണ്ടന് പ്രയോഗത്തിന് ഒരു കുത്തുകൊടുക്കാന് തയ്യാറായിട്ടായിരുന്നു വിഎസ് എത്തിയത്.
മുഖ്യമന്ത്രി ഉടന് രാജിവക്കണം എന്നും വിഎസ് ആവശ്യപ്പെട്ടു. ഉമ്മന് ചാണ്ടിയെ പാമോലിന് കേസില് പ്രതിചേര്ക്കണമെന്ന് പറഞ്ഞ ജഡ്ജിയെ പിസി ജോര്ജ്ജിനെ പോലുള്ളവരെ ഉപയോഗിച്ച് ഉമ്മന് ചാണ്ടി ഓടിക്കുകയായിരുന്നുവെന്നും വിഎസ് ആരോപിച്ചു.
ഉമ്മന് ചാണ്ടി മുഖ്യമന്ത്രി സ്ഥാനത്തിരിക്കുന്നത് കേരളീയര്ക്കും ജനാധിപത്യത്തിനും അപമാനമാണെന്ന് സിപിഎം സംസ്ഥാന സെക്രട്ടറി പിണറായി വിജയന് പറഞ്ഞു. മുഖ്യമന്ത്രി രാജിവക്കണമെന്ന് പ്രതിപക്ഷ ഉപനേതാവ് കോടിയേരി ബാലകൃഷ്ണനും ആവശ്യപ്പെട്ടു.