കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സാറ ജോസഫ് ആം ആദ്മിയുടെ തൃശൂര്‍ സ്ഥാനാര്‍ത്ഥി

  • By Soorya Chandran
Google Oneindia Malayalam News

കൊച്ചി: ലോക്‌സഭ തിരഞ്ഞെടുപ്പില്‍ ആം ആദ്മി പാര്‍ട്ടിയുടെ സ്ഥാനാര്‍ത്ഥിപ്പട്ടിക തയ്യാറാക്കല്‍ തുടങ്ങി. 11 പേരാണ് ആദ്യ ഘട്ട പട്ടികയില്‍ ഇടം പിടിച്ചിരിക്കുന്നത്.

തൃശൂര്‍ ലോക്‌സഭ മണ്ഡലത്തില്‍ എഴുത്തുകാരിയും സാമൂഹ്യ പ്രവര്‍ത്തകയും ആയ സാറ ജോസഫ് ആയിരിക്കും സ്ഥാനാര്‍ത്ഥി എന്ന കാര്യത്തില്‍ തീരുമാനമായി. നേരത്തെ അപേക്ഷ നല്‍കിയവരില്‍ നിന്ന് പ്രത്യേക സ്‌ക്രീനിങ് കമ്മിറ്റിയാണ് സ്ഥാനാര്‍ത്ഥികളെ തിരഞ്ഞെടുത്തത്.

Sara Joseph

തിരുവനന്തപുരം, മാവേലിക്കര, കോട്ടയം, ചാലക്കുടി, തൃശൂര്‍, കാസര്‍കോട് എന്നീ മണ്ഡലങ്ങളിലെ സ്ഥാനാര്‍ത്ഥികളുടെ ചുരുക്കപ്പട്ടികയാണ് ഇപ്പോള്‍ തയ്യാറാക്കിയിട്ടുള്ളത്. കാസര്‍കോട്ടും തൃശൂരിലും മാവേലിക്കരയിലും ഓരോ സ്ഥാനാര്‍ത്ഥി വീതമേ ഉള്ളൂ. മറ്റിടങ്ങളില്‍ രണ്ടും മൂന്നും പേരൊക്കെ ചുരുക്കപ്പട്ടികയില്‍ ഇടം പിടിച്ചിട്ടുണ്ട്.

ആകെ 11 സ്ഥാനാര്‍ത്ഥികളുടെ ചുരുക്കപ്പട്ടികയാണ് ഇപ്പോള്‍ പ്രസിദ്ധീകരിച്ചിട്ടുള്ളത്. ഇവരെ സംബന്ധിച്ച് എന്തെങ്കിലും ആക്ഷേപമുണ്ടെങ്കില്‍ പൊതു ജനങ്ങള്‍ക്ക് ആം ആദ്മി പാര്‍ട്ടി കേരള ഘടകത്തിന്റെ വെബ്‌സൈറ്റ് സന്ദര്‍ശിച്ച് രേഖപ്പെടുത്താവുന്നതാണ്. ഇമെയില്‍ വഴിയും ആക്ഷേപങ്ങള്‍ അറിയിക്കാം.

ഇടത് വിമര്‍ശകനായ എംഎന്‍ പിയേഴ്‌സണ്‍, എഴുത്തുകാരി ഒവി ഉഷ, മുതിര്‍ന്ന മാധ്യമപ്രവര്‍ത്തകന്‍ പി രാജന്‍ തുടങ്ങിയവരായിരുന്നു സ്‌ക്രീനിങ് കമ്മിറ്റിയില്‍ ഉണ്ടായിരുന്നത്. ആം ആദ്മി പാര്‍ട്ടിയുടെ സ്ഥാനാര്‍ത്ഥി പട്ടിക കാണാം

English summary
Sara Joseph will contest for AAP in Thrissur.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X