കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പാമോലിനില്‍ മുഖ്യമന്ത്രിക്ക് സുപ്രീം കോടതിയുടെ പണി

  • By Soorya Chandran
Google Oneindia Malayalam News

ദില്ലി: പാമോലിന്‍ അഴിമതി കേസില്‍ മുഖ്യമന്ത്രി ഉമ്മന്‍ ചാണ്ടിക്കെതിരെ സുപ്രീം കോടതിയുടെ പരാമര്‍ശം. സ്വന്തം നേട്ടത്തിന് വേണ്ടിയല്ലേ കേസ് പിന്‍വലിക്കാന്‍ സര്‍ക്കാര്‍ തീരുമാനിച്ചതെന്നായിരുന്നു കോടതിയുടെ ചോദ്യം.

കേസ് പിന്‍വലിക്കാനുള്ള സര്‍ക്കാര്‍ തീരുമാനത്തിനെതിരെ വിഎസ് അച്യുതാനന്ദന്‍ നല്‍കിയ ഹര്‍ജി പരിഗണിക്കുകയായിരുന്നു കോടതി. മുഖ്യമന്ത്രിക്ക് കീഴിലുള്ള പോലീസ് അന്വേഷിച്ചാല്‍ സത്യം എങ്ങനെ പുറത്ത് വരുമെന്നും കോടതി ചോദിക്കുന്നു.

Oommen Chandy

കേസ് സിബിഐ അന്വേഷിക്കുന്നതല്ലേ നല്ലത് എന്നും കോടതി ചോദിക്കുന്നുണ്ട്. പാമോലിന്‍ കേസ് സ്വതന്ത്ര ഏജന്‍സിയെക്കൊണ്ട് അന്വേഷിപ്പിക്കണം എന്നതാണ് വിഎസ് അച്യുതാനന്ദന്റെ ആവശ്യം. കേരള ഹൈക്കടതിക്ക് മുന്നിലാണ് കേസ് പിന്‍വലിക്കാനുള്ള സര്‍ക്കാരിന്‍റെ പുന:പരിശോധന ഹര്‍ജി ഇപ്പോഴുള്ളത്. മൂന്ന് മാസത്തിനകം കേസ് തീര്‍പ്പാക്കാന്‍ സുപ്രീം കോടതി കേരള ഹൈക്കോടതിയോട് ആവശ്യപ്പെട്ടിട്ടുണ്ട്.

2005 ല്‍ ഉമ്മന്‍ ചാണ്ടി ആദ്യമായി മുഖ്യമന്ത്രിയായപ്പോഴാണ് കേസ് പിന്‍വലിക്കാന്‍ സര്‍ക്കാര്‍ ആദ്യം തീരുമാനിക്കുന്നത്. എന്നാല്‍ തുടര്‍ന്ന് വന്ന എല്‍ഡിഎഫ് സര്‍ക്കാര്‍ ഈ തീരുമാനം റദ്ദാക്കി. പാമോലിന്‍ ഇടപാട് നടക്കുന്ന സമയത്ത് ഉമ്മന്‍ ചാണ്ടിയായിരുന്നു ധനമന്ത്രി. അന്നത്തെ മുഖ്യമന്ത്രി കെക കരുണാകരനും ഭക്ഷ്യമന്ത്രി ടിഎച്ച് മുസ്തഫയും ആണ് കേസിലെ പ്രധാന പ്രതികള്‍.

കേസില്‍ ഉമ്മന്‍ ചാണ്ടി പ്രതിയല്ലെങ്കില്‍ താന്‍ എങ്ങനെ പ്രതിയാകും എന്ന് ടിഎച്ച് മുസ്തഫ ഉന്നയിച്ച ചോദ്യം കേരളത്തില്‍ വലിയ രാഷ്ട്രീയ വിവാദത്തിന് വഴിവച്ചിരുന്നു. പിന്നീട് തൃശൂര്‍ വിജിലന്‍സ് കോടതിയും കേസ് പിന്‍വലിക്കാനുള്ള സര്‍ക്കാര്‍ തീരുമാനത്തെ രൂക്ഷമായി വിമര്‍ശിച്ചിരുന്നു.

English summary
Supreme Court remark against Oommen Chandy in Palmolein Case
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X