ടിവി ഷോയ്ക്കിടെ നടിയെ പീഡിപ്പിതായി പരാതി
മുംബൈ: ടി വി ഷോയുടെ സെറ്റില് വെച്ച് നടിയെ പീഡിപ്പിച്ചതായി പരാതി. സ്റ്റാര് പ്ലസിലെ യേ ഹേ മൊഹബ്ബത്തേനിലൂടെ പ്രശസ്തയായ ദിവ്യാങ്ക ത്രിപാഠിയാണ് ടി വി ഷോയുടെ സെറ്റില് വെച്ച് പീഡനത്തിന് ഇരയായത്. മദ്യപിച്ച് ഷൂട്ടിംഗ് സെറ്റിലെത്തിയ അജ്ഞാതനാണ് ദിവ്യാങ്ക ത്രിപാഠിയെ ഉപദ്രവിച്ചത്.
യേ ഹേ മൊഹബ്ബത്തേനിന്റെ ഷൂട്ടിംഗിനിടെയാണ് സംഭവം നടന്നത്. അജ്ഞാതന്റെ ആക്രമണത്തില് അസ്വസ്ഥയായ ടി വി താരം തന്റെ സുരക്ഷ കര്ശനമാക്കാന് തീരുമാനിച്ചിരിക്കുകയാണ്. ഷൂട്ടിംഗ് സെറ്റിലെത്തിയ മദ്യപന് താരത്തോട് അപമര്യാദയായി സംസാരിക്കുകയും ചെയ്തതത്ര. മേലില് ഒരു നടിക്കും ഇത്തരം അനുഭവങ്ങള് ഉണ്ടാകരുതെന്ന് ദിവ്യാങ്ക പറഞ്ഞു.
മുംബൈയിലെ കിലിക് നിക്സണ് സ്റ്റുഡിയോയില് വെച്ചായിരുന്നു സംഭവം. ദിവ്യാങ്ക ത്രിപാഠിയെ ശല്യപ്പെടുത്തിയ ആളെ ഷൂട്ടിംഗ് സെറ്റിലുണ്ടായിരുന്ന ആളുകള് ഇയാളെ പിടികൂടി പോലീസില് ഏല്പിച്ചു. യേ ഹേ മൊഹബ്ബത്തേനിലെ ഇഷിതയാണ് ദിവ്യാങ്കയുടെ പ്രശസ്തമായ കഥാപാത്രങ്ങളിലൊന്ന്. ഭോപ്പാലില് നിന്നുള്ള ഈ 29 കാരി ടെലിവിഷന് സീരിയല് രംഗത്ത് സജീവമാണ്.
യേ ഹേ മൊഹബ്ബത്തേന് അടക്കം പത്തോളം സീരിയലുകളില് അഭിനയിച്ചിട്ടുള്ള ദിവ്യാങ്ക ടെലിവഷന് അവാര്ഡുകളും നേടിയിട്ടുണ്ട്. ഏതാനും ദിവസങ്ങള്ക്ക് മുമ്പ് ഷൂട്ടിംഗ് സെറ്റില് വെച്ച് ദിവ്യാങ്കയെ തേനീച്ച കുത്തിയിരുന്നു. തേനീച്ച കുത്തിയ കൈയ്യുമായി താരം വേദന കൊണ്ട് പുളഞ്ഞതോടെ മുറിവില് ചുണ്ണാമ്പ് തേക്കണോ ഇരുമ്പ് താക്കോല് കൊണ്ട് തടവണോ എന്ന കണ്ഫ്യൂഷനിലായി ആളുകള്. എന്തായാലും ഡോക്ടര് സ്ഥലത്തെത്തി താരത്തിന്റെ കൈ പൂര്വ്വ സ്ഥിതിയിലാക്കി.