കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മുന്നറിയിപ്പോടെ അതിഥിയായി പൃഥ്വിരാജ്‌

Google Oneindia Malayalam News

അപ്രതീക്ഷിതമായിട്ടാണ് അയാള്‍ അഞ്ജലിയെ പെണ്ണുകാണാന്‍ വരുന്നത്. അഞ്ജലി അറക്കല്‍ എന്ന ഫ്രീലാന്‍സ് ജേര്‍ണലിസ്റ്റിനെ പെണ്ണുകാണാന്‍ വരുന്ന അമേരിക്കന്‍ പയ്യനെ കണ്ട് തിയറ്ററിലുള്ളവരെല്ലാം ഒന്നു ഞെട്ടി. അത് മറ്റാരുമായിരുന്നില്ല, മലയാളത്തിന്റെ ഭാവി സൂപ്പര്‍സ്റ്റാര്‍ പൃഥ്വിരാജ് തന്നെ.

മമ്മൂട്ടിയെ നായകനാക്കി വേണു സംവിധാനം ചെയ്ത മുന്നറിയിപ്പില്‍ അതിഥി താരമായി വന്നു കയ്യടി നേടുകയാണ് പൃഥ്വിരാജ്. മുന്‍പും ഇതേപോലെ പല സിനിമകളിലും അതിഥി താരമായി പൃഥ്വി എത്തിയിട്ടുണ്ടെങ്കിലും ഇതേപോലെ വളരെ സരസനായ ഒരാളായിട്ടായിരുന്നില്ല. ബാബുരാജ് സംവിധാനം ചെയ്ത മനുഷ്യമൃഗത്തില്‍ പൊലീസ് ഓഫിസറായിട്ടായിരുന്നു. ലാല്‍ജോസിന്റെ അച്ഛനുറങ്ങാത്ത വീടിലും പൃഥിരാജ് അതിഥി താരമായി വന്നിരുന്നു. അതേപോലെ ഒരുവന്‍ എന്ന ചിത്രത്തില്‍ പൊലീസ് ഓഫിസറായി അതിഥി വേഷത്തില്‍ അഭിനയിച്ചിരുന്നു.

prithviraj

ഒട്ടേറെ ചിത്രങ്ങളില്‍ പൃഥ്വി നായകനായി അഭിനയിച്ചുകൊണ്ടിരിക്കെയാണ് മുന്നറിയിപ്പില്‍ ചെറിയൊരു വേഷം ചെയ്യാന്‍ എത്തിയത്. നിര്‍മാതാവായ രഞ്ജിത്തുമായുള്ള അടുപ്പം കൊണ്ടാണ് പൃഥ്വി ഈയൊരു വേഷം ചെയ്തത്. മുന്നറിയിപ്പിന്റെ പരസ്യങ്ങളിലൊന്നും പൃഥ്വിരാജ് ഇല്ലായിരുന്നു. സിനിമ കാണാനെത്തുന്നവരെ അത്ഭുതപ്പെടുത്താന്‍ വേണ്ടി ഒളിപ്പിച്ചുവയ്ക്കുകയായിരുന്നു ഈകാര്യം. സിനിമയുടെ തുടക്കത്തില്‍ പൃഥ്വിരാജിന് നന്ദി എഴുതി കാണിക്കുന്നുണ്ടെങ്കിലും പൃഥ്വി സിനിമയിലുള്ളകാര്യം ആര്‍ക്കും അറിയില്ലായിരുന്നു.

അടുത്തിടെ ഇതേപോലെ അതിഥിയായി വന്ന് കയ്യടി നേടിയത് നിവിന്‍പോളിയായിരുന്നു. ലാല്‍ജോസ് സംവിധാന ംചെയ്ത വിക്രമാദിത്യനിലാണ് നിവിന്‍പോളി അതിഥിതാരമായി അഭിനയിച്ചത്. ഇപ്പോള്‍ പൃഥ്വിയും അതിഥിയായി വന്നു കയ്യടി നേടുന്നു. മുന്‍പ് ഷാജി കൈലാസ് സംവിധാനം ചെയത് നരസിംഹത്തില്‍ മമ്മൂട്ടി അതിഥി താരമായി അഭിനയിക്കുന്ന കാര്യം സിനിമ റിലീസ് ചെയ്യുന്നതുവരെ പുറത്തുവിട്ടിരുന്നില്ല. സിനിമ കാണുമ്പോഴാണ് മമ്മൂട്ടിയെ കാണുന്നതും പ്രേക്ഷകര്‍ ഞെട്ടുന്നതും. സിനിമ റിലീസ് ചെയ്ത് രണ്ടാഴ്ച കഴിഞ്ഞ ശേഷമാണ് മമ്മൂട്ടിയുടെ ഫോട്ടോ വച്ച് പോസ്റ്റര്‍ ഒട്ടിച്ചതും. ഈ ചിത്രത്തിന്റെ തുടര്‍ പോസ്റ്ററുകളില്‍ പൃഥ്വിയെ പ്രതീക്ഷിക്കാം.

English summary
Prithviraj came as guest role in Munnariyippu
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X