Click it and Unblock the Notifications
ധോണി രക്ഷിച്ചില്ല
ഫോളോ ഓണില്‍ നിന്നും ധോണി രക്ഷിക്കുമെന്ന് പ്രതീക്ഷിച്ചെങ്കിലും അതുണ്ടായില്ല. ഇനി കളി സമനിലയിലെങ്കിലുമാക്കണമെങ്കില്‍ ക്യാപ്റ്റന്റെ ഒരു ഇന്നിംഗ്‌സ് കളിച്ചേ പറ്റു ധോണി.
കോലി വീണ്ടും വീണു
നിര്‍ണായകമായ നാലാം ഇന്നിംഗ്‌സില്‍ 28 റണ്‍സ് മാത്രമായിരുന്നു കോലിയുടെ സംഭാവന. ആറ് ഇന്നിംഗ്‌സുകള്‍ കളിച്ചിട്ടും ഇംഗ്ലണ്ടില്‍ ഒരു അര്‍ധസെഞ്ചുറി പോലും അടിക്കാന്‍ കോലിക്ക് കഴിഞ്ഞില്ല.
ധവാന്‍ പതിവ് തെറ്റിച്ചില്ല
37 റണ്‍സായിരുന്നു ശിഖര്‍ ധവാന്റെ സ്‌കോര്‍. കോലിയെപ്പോലെ തന്നെ പരമ്പരയിലെ മറ്റൊരു പരാജയമാണ് ശിഖര്‍ ധവാന്‍.
പൂജാര തുടക്കത്തിലേ പോയി
സമനില എങ്കിലും ഇന്ത്യയ്ക്ക് പ്രതീക്ഷിക്കാന്‍ പൂജാരയുടെ മികച്ച ഒരിന്നിംഗ്‌സ് വേണമായിരുന്നു. എന്നാല്‍ വെറും രണ്ട് റണ്‍സില്‍ പൂജാര വീണതോടെ ഇന്ത്യയുടെ നില പരുങ്ങലില്‍ ആയി.
അനാവശ്യം ഈ റണ്ണൗട്ട്
തീര്‍ത്തും അനാവശ്യമായ ഒരു റണ്ണൗട്ടിലൂടെ മുരളി വിജയ് ആണ് ഇന്ത്യയുടെ തകര്‍ച്ചയ്ക്ക് തുടക്കമിട്ടത്. താരതമ്യേന ഭേദപ്പെട്ട ഓപ്പണിംഗ് കൂട്ടുകെട്ടാണ് ഇന്ത്യക്ക് കിട്ടിയത്.
രഹാനെ എവിടെ വരെ
18 റണ്‍സോടെ പുറത്താകാതെ നില്‍ക്കുന്ന രഹാനെയിലാണ് ഇന്ത്യയുടെ ഇനിയുള്ള പ്രതീക്ഷകള്‍. കൂട്ടിന് രോഹിത് ശര്‍മയുമുണ്ട്.
ബര്‍ത്ത് ഡേ ബോയ് കലക്കി
മുപ്പത്തിരണ്ടാം പിറന്നാള്‍ ആഘോഷിക്കുന്ന ജയിംസ് ആന്‍ഡേഴ്‌സനാണ് ഒന്നാമിന്നിംഗ്‌സില്‍ അഞ്ച് വിക്കറ്റോടെ ഇന്ത്യയെ തകര്‍ത്തത്.
