More Malayalam Updates on: http://m.oneindia.in/malayalam/
0
ദുബൈ: അമേരിക്കയില് സാമ്പത്തിക പ്രതിസന്ധി രൂക്ഷമാണെങ്കിലും അടിസ്ഥാനനാണയമായി യു.എസ് ഡോളര് തുടരുമെന്ന് യു.എ.ഇ സെന്ട്രല് ബാങ്ക് അറിയിച്ചു. അബുദബിയില് ചെയര്മാന് ഖലീല് മുഹമ്മദ് ഷരീഫ് ഫൗലത്തിയുടെ അധ്യക്ഷതയില് ചേര്ന്ന ഡയറക്ടര് ബോര്ഡ് യോഗമാണ് നിര്ണായമായ ഈ തീരുമാനമെടുത്തത്.
പണലഭ്യതയുടെ കാര്യത്തില് ഉണ്ടായിരുന്ന ദൗര്ലഭ്യം മറികടക്കാന് യു.എ.ഇക്കു സാധിച്ചിട്ടുണ്ട്. തികച്ചും ഭദ്രമായ ബാങ്കിങ് മേഖലയാണ് രാജ്യത്തുള്ളത്-സെന്ട്രല് ബാങ്ക് പത്രക്കുറിപ്പില് വ്യക്തമാക്കി.
സ്റ്റാന്ഡേര്ഡ് ആന്റ് പുവര് അമേരിക്കന് ഡെബ്റ്റ് റേറ്റിങ് കുറച്ചതുകൊണ്ട് മാനകമെന്ന നിലയില് നിന്നു ഡോളറിനെ ഒഴിവാക്കേണ്ട കാര്യമില്ലെന്ന് ബഹ്റൈനും വ്യക്തമാക്കിയിട്ടുണ്ട്. സൗദി അറേബ്യ, ഖത്തര്, ഒമാന് എന്നീ രാജ്യങ്ങള് ഇതുവരെ നിലപാട് പ്രഖ്യാപിച്ചിട്ടില്ല.
