കോളേജില്‍ വേശ്യാലയം; പ്രതിഷേധവുമായി രക്ഷിതാക്കള്‍

ബീജിങ്: കോളേജ് കാമ്പസില്‍ വേശ്യാലയം പ്രവര്‍ത്തിക്കുന്നുണ്ടെന്ന റിപ്പോര്‍ട്ടിനെ തുടര്‍ന്ന് രക്ഷിതാക്കള്‍ പ്രതിഷേധവുമായി രംഗത്തെത്തി. ചൈനയിലെ വുഹാന്‍ സിറ്റിയിലെ വുചാങ് പോളിടെക്‌നിക് കോളേജിലാണ് വേശ്യാലയം പ്രവര്‍ത്തിക്കുന്നത്. വിദ്യാര്‍ത്ഥികള്‍ പരാതി നല്‍കിയതിനെ തുടര്‍ന്ന് പോലീസ് സ്ഥലത്തെത്തിയപ്പോഴാണ് പുറംലോകം സംഭവമറിയുന്നത്.

കോളേജിലെ ഡോര്‍മെറ്ററിക്ക് തൊട്ടുപ്രവര്‍ത്തിക്കുന്ന ഒരു ഹോട്ടലിലാണ് വേശ്യാലയം. കോളേജ് കാമ്പസില്‍ ഉള്‍പ്പെടുന്ന തരത്തിലാണ് ഹോട്ടലിന്റെ പ്രവര്‍ത്തനം. കോളേജ് പ്രിന്‍സിപ്പലിന് ഹോട്ടലില്‍ പങ്കാളിത്തമുണ്ടെന്ന് ഒരുവിഭാഗം വിദ്യാര്‍ത്ഥികള്‍ ആരോപിക്കുന്നു. പ്രിന്‍സിപ്പലിന്റെ ബന്ധുവാണ് ഹോട്ടലിന്റെ നടത്തിപ്പുകാരന്‍.

ഒട്ടേറെ പേര്‍ ദിവസേനയെന്നോണം ഹോട്ടലില്‍ കയറിയിറങ്ങുന്നുണ്ടെന്ന് വിദ്യാര്‍ത്ഥികള്‍ പറഞ്ഞു. തങ്ങളെയും ചില സ്ത്രീകള്‍ ഹോട്ടലിലേക്ക് ക്ഷണിച്ചിരുന്നു. കോളേജ് ഐഡന്റിറ്റി കാര്‍ഡ് കാണിക്കുകയാണെങ്കില്‍ ഇളവുതരാമെന്ന് വാഗ്ദനവുമുണ്ടായിരുന്നതായി പരാതിക്കാരായ ചില വിദ്യാര്‍ത്ഥികള്‍ പോലീസിന് നല്‍കിയ മൊഴിയില്‍ വ്യക്തമാക്കി.

സംഭവം അറിഞ്ഞയുടന്‍ തങ്ങളുടെ മക്കളെ കോളേജില്‍ നിന്നും മറ്റിടങ്ങളിലേക്ക് മാറ്റുകയാണ് രക്ഷിതാക്കള്‍. ചിലര്‍ പരസ്യമായ പ്രതിഷേധവുമായി രംഗത്തെത്തി. സര്‍വകലാശാല അധികൃതരും കോളേജിലെ വേശ്യാലയത്തെക്കുറിച്ചറിഞ്ഞ് നാണക്കേടിലാണ്. എത്രയും പെട്ടന്ന് വേശ്യാലയനടത്തിപ്പ് അവസാനിപ്പിക്കുമെന്ന് അധികൃതര്‍ ഉറപ്പുനല്‍കിയിട്ടുണ്‍്.