രാജ്യത്ത് മോദി തരംഗമല്ല, സുനാമിയാണ്: രാംദേവ്
ദില്ലി: രാജ്യത്ത് മോദി തരംഗമാണെന്ന് കുറെ നാളായി കേള്ക്കുന്നു. കോണ്ഗ്രസുകാരെ കാണുമ്പോള് മാധ്യമങ്ങളും ആദ്യം ചോദിക്കുന്നത് മോദി തരംഗത്തെ കുറിച്ചാണ്. വോട്ട് ചെയ്ത് മടങ്ങവെ പ്രധാനമന്ത്രി മന്മോഹന് സിങിനോട് ചോദിച്ചപ്പോള് രാജ്യത്ത് മോദി തരംഗമില്ലെന്ന് അദ്ദേഹവും പ്രതികരിച്ചു.
ഇതിനുള്ള മറുപടിയുമായി മോദിയ്ക്ക് എല്ലാവിധ പിന്തുണയും നല്കുന്ന യോഗ ഗുരു ബാബ രാംദേവ് രംഗത്തെത്തിയിരിക്കുകയാണ് ഇപ്പോള്. ട്വിറ്ററിലൂടെയാണ് രാംദേവ് മറുപടി നല്കിയത്. മന്മോഹന്ജി പറഞ്ഞത് സത്യമാണ്. രാജ്യത്ത് മോദി തരംഗമില്ല. മറിച്ച മോദി സുനാമിയാണ്.- രാദേദേവ് ട്വീറ്റ് ചെയ്തു.
ആസാമിലെ ദിസ്പൂര് ഹയര്സെക്കണ്ടറി സ്കൂളിവലെത്തി വോട്ട് ചെയ്തു മടങ്ങവെയാണ് പ്രധാനമന്ത്രി മോദിയെ കുറിച്ച് പരമാര്ശിച്ചത്. മോദി ഒരു തരംഗമല്ല. എല്ലാം മാധ്യമസൃഷ്ടിയാണെന്നും കോണ്ഗ്രസ് വിജയം നേടുമെന്നും അദ്ദേഹം പറഞ്ഞു.
അതേ സമയം തിരഞ്ഞെടുപ്പ് പുകില് കെട്ടടങ്ങുന്നതുവരെ, മോദിയുടെ ഭാര്യ യെശോദബെന് രാംദേവിന്റെ സംരക്ഷണയിലാണ് കഴിയുന്നതെന്ന് റിപ്പോര്ട്ടുകളുണ്ട്. ഋഷികേശിലെ നീലകണ്ഠ മഹാദേവ ക്ഷേത്രത്തിന് സമീപമുള്ള രാംദേവിന്റെ ആശ്രമിത്തിലാണത്രെ യെശോദബെന്നിന് സംരക്ഷണം നല്കിയിരിക്കുന്നത്.